Never raw manganganib ang estado ng male celebrity na ito sa kanyang trabaho dahil na-master na raw nito kung paano sumipsip sa mga bossing.
Ayon sa aming source, every other week daw ay naghu-host si male celebrity ng bonggang dinner sa kanyang bahay para sa mga bossing na pinaglilingkuran niya. Bukod sa panalong catering, may pa-gift bag pa raw ito sa kanyang mga bisita.
Kuwento ng source: "Chika sa akin ng close kay male celebrity, inaalam daw nito ang mga gusto ng bawa't isang bisita niya. May mga taong pinapa-research siya sa mga social media accounts ng mga ito. Kesehodang signature bag ito or alahas, gagastos siya para lang hindi siya makalimutan. At nangyayari nga naman ang gusto niya. Mawalan man siya ng show ay may kapalit agad. Ganyan siya magtrabaho sa mga bossing. Ibang klase manipsip sa kataas-taasan!"
Hindi lang daw ang mga bossing kundi pati raw staff ng show na kinabibilangan nito ay nakakatanggap ng biyaya sa kanya.
Noong mag-story conference daw para sa isang kinabibilangan nitong show, namigay daw ito ng tig-isang libo sa buong staff na galing sa sarili niyang bulsa. Isa-isa raw niyang pinatawag ang staff sa kanyang dressing room at nagpamudmod daw ito ng biyaya.
Sey ng source: "Alam talaga niya ang paraan para magustuhan siya ng staff. Kung hindi nga raw yan magpapakain ay namimigay ng datung. E, barya lang para sa kanya ang sine-share niya dahil sa laki ng talent fee niya. Afford niya talagang mamigay para mas malaki ang balik sa kanya."
YOU MAY ALSO LIKE:
Aktres, binenta ang mga gamit ng ex na aktor na nakatambak sa bahay niya
Di kasikatang aktor, sinubukang ipuslit sa no-swab, no entry na studio ang tatlong alalay na lalaki
Aktres, nabuntis ng non-showbiz guy; ka-loveteam, nganga
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
