Kakambal na raw talaga ng aktres na ito ang kanyang make-up kit. Hindi raw ito makakakilos kapag wala itong ipahid na foundation, eye shadow, mascara at lipstick sa mukha nito.
Kapag wala raw itong ilagay na makapal na make-up, nanghihina raw ito.
Ito ang ikinalokah ng isang professional make-up artist sa aktres dahil hindi raw healthy ang obsession nito sa make-up.
Kuwento ng makeup artist, marami na raw siyang nakatrabahong actresses na may hilig sa make-up, pero iba raw ang aktres na ito dahil mahihiya raw ang payaso sa kapal nitong mag-make-up.
Sey ng make-up artist: “Kahit na sa Zoom meeting namin for her photoshoot, na-late siyang pumasok sa meeting dahil nag-fully make-up siya. Hindi sapat sa kanya yung press powder lang at magandang ilaw. Kailangan naka-conture ang make-up niya kahit Zoom meeting lang. Gano’n na siya kalala!”
Pero in fairness daw sa aktres, maganda ito kahit walang make-up. Di raw niya maintindihan kung bakit di iyon makita ng aktres sa sarili niya.
“Sa totoo lang, fresh ang beauty niya without make-up. Mas mukha siyang bata. Tumatanda ang hitsura niya dahil sa choice of cosmetics niya. Para sa kanya, the more, the merrier. E, mas ok yung less is more, ‘di ba?”
Ang malalang obsession daw ni aktres na kailangan parating makapal ang make-up niya ay signs ng pagkakaroon nito ng body dysmorphic disorder.
Nasa pakiramdam ni aktres na panget siya kapag walang nakalagay na make-up sa mukha niya. Meron siyang kailangan pagtakpan dahil may insecurities ito sa mukha niya.
Noong nagsisimula raw sa showbiz ang aktres, insecure na raw ito sa looks niya dahil hindi niya gusto ang hugis ng ilong, mata at ang bilugan niyang mukha.
Kaya nung kumita na ito, ilang beses itong dumaan sa cosmetic surgery para maiba ang dati niyang hitsura at ang make-up ang naging pantakip niya sa mga pinaretoke niya.
YOU MAY ALSO LIKE:
Aktor na na-Covid, nag-panic; natakot sa posibleng gastos sa ospital
Pa-divang aktres, tinanggihang i-manage ng isang talent agency
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber