Fresh from Legal Wives, pasok si Alice Dixson as one of the new additions sa cast ng First Lady, ang sequel ng highly successful GMA-7 romantic series na First Yaya.
As a beauty-queen-turned-actress na sumikat pa nang husto dahil sa tumatak na pa-sweet na linya niya na “I can feel it” sa isang shampoo commercial noong late 80s, paniguradong maraming naging manliligaw noong araw ang Binibining Pilipinas-Miss International 1986 na Alice.
Dahil dito ay natanong siya, during the First Lady virtual media conference, kung nangarap or sumagi ba sa isip niyang maging first lady by virtue of her powerful and influential suitors noong araw.
Hindi naman din kasi kaila na maraming pulitiko ang nagiging manliligaw ng mga magagandang taga-showbiz since time immemorial.
“Merong mga nanligaw, pero hindi ko sila type,” natatawang direktang sagot ni Alice. “Pero to be first lady, hindi ko siya naisip.”
“There are a lot of suitors din sa political side, but wala talaga akong na-type-an.”
Pero para kay Alice, wala sa pagiging first lady o pagiging beauty queen, ang pagtulong sa kapwa. Kahit umano wala kang titulo o asawang nasa gubyerno ay p’wede kang maglingkod sa kapwa. Ito ay para sa tanong kung dapat bang may kinalaman ang mga first ladies sa public service career ng kanilang mga esposo.
“You don’t have to be beauty queen to have the heart to help our countrymen,” aniya. “Lahat tayo, we can do our part. And sa akin, importante talaga ang mga babae sa isang relationship, sa buhay ng kanilang asawa whether they’re in public service or not.
“Narinig ko ito sa isang movie, pero totoo po ito... that men are the head of the family but the women are the neck. We can actually direct where the head goes,” natatawang dagdag niya.
“Pero totoo ’yan. We can actually lead or sway or lead the men to the right direction also.”
Ex-fiancé ni President Glen Acosta (played by Gabby Concepcion) ang role ni Alice sa First Lady at isa sa magpapasikip ng dibdib ni first yaya-turned- first lady na si Melody Acosta (Sanya Lopez).
“Actually, I’m a lawyer here. I’m the former love interest of Gabby. I came back because we have history that she needs to settle, kumbaga,” patikim ni Alice sa kanyang role.
Reunion project nila ito ni Gabby; habang first time naman niyang makaka-trabaho si Sanya.
“Actually, one of the first movies that I ever did was with Gabby,” pagre-reminisce ni Alice. “I think, I was only 17 or 18. It’s actually nostalgic to recall those days.
“’Yung mga singles pa kami, mga bagets pa kami...masaya, ’di ba? And it was a pleasure working with Gabby.”
“Si Sanya, it’s my first time to work with her and she’s really a delight and very lovely. And I hope to know her more through this show. She’s magaan as well.
Ang First Lady ay magsisimula na ngayong February 14, Valentine’s Day, pagkatapos ng 24 Oras sa GMA-7.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
