Ano ang na-discover mo sa sarili mo now that nanay ka na? Ito ang bungad na tanong namin kay model-actress Isabelle Daza, nicknamed Belle, nang saglit namin siyang maka-usap sa media room during the ABS-CBN Ball na ginanap sa Makati Shangri-La Hote last September 29
“Mahirap pala,” pag-amin niya. “So now I appreciate my nanay. I think our relationship strengthened since I became a mother. Kasi lahat ng dinadaanan ko pinagdaanan din niya. Shocks, I didn’t realize na this is a very difficult but fulfilling role.”
Of course, ang nanay na tinutukoy ng tinaguriang “It Girl” na si Belle, ay si Miss Gloria Diaz, who will forever be known as the first Filipina to win the Miss Universe crown in 1969.
April 1, 2018 nang ipanganak ni Belle ang first born nila ng kanyang French husband na si Adrien Semblat. The handsome baby boy, named Balthazar, is now six-months old.
Ayon kay Belle, namana ni Balthazar sa tatay nito ang pagiging matakaw.
“Mahilig siyang kumain at nagagalit siya pag gutom,” natatawang tsika niya. “But he’s also very chill and he doesn’t smile too often. I think it’s [from] me.”
Kelan ang kasunod? Kasunod na tanong namin.
“Oh my God, not yet! Not anytime soon.”
September 2016 nang ikasal si Belle kay Adrien sa Italy. At September 2017 naman nang una niya i-announce ang kanyang pagbubuntis.
