pikadaily

Inamin ng TV host-actress na si Camille Prats na meron s’yang nakakahiyang encounter with a beauty queen dahil napagkamalan daw n’ya ito bilang isang beki.

Ibinahagi n’ya ang karanasang ito sa isang recent video ng Sparkle GMA Artist Center on YouTube kung saan isa-isa n’yang sinagot ang mga tanong – now that she’s been in the entertainment industry for more than three decades – habang nagbabalat s’ya ng patatas. 

Isa nga sa naitanong sa kanya ay kung ano ang most embarrassing moment n’ya in showbiz.

Kuwento ng Kapuso actress, nangyari daw ito noong co-host pa s’ya ng lifestyle show na Mars. 

“Sa aking show na Mars Pa More – na nu’ng time na ’yon, e, Mars pa – meron kaming mga guests na beauty queens. Maliban sa beauty queen meron din kaming naging guest na Super Sireyna [trans beauty queen]. They’re all matatangkad, they’re all dressed nang magaganda…nakapambabae lahat, in short,” panimulang salaysay ni Camille. 

Hindi umano n’ya sinasadya na mapagkamalang beki ang isang beauty queen.

“Ako, nag-nap ako bago mag-start ang episode na ’yon. Tapos nu’ng nagbi-briefing na…s’yempre, kaharap ko na ’yong mga guest. Akala ko sila lahat [ay] Super Sireyna. Sabi ko sa [isang beauty queen], ‘Ang liit ng boses mo, ’no?’ Sabi n’ya sa akin, ‘Me?’ Gumanu’n s’ya,” pagre-recall n’ya.

Huli na daw nang ma-realize n’ya na nagkamali s’ya kaya naman hiyang-hiya daw s’ya that time. 

“Nakita ko ’yong mga tao sa paligid ko, ’yong make-up artist, nag-disperse. Nawala, nawala sila sa likod ko. Hanggang sa may naglakas-loob na nagsabi na, ‘Ano ka ba? Babae ’yan, ano?’ Kasi akala ko beks,” pagpapatuloy pa n’ya.

“Alam mo, gusto kong lamunin [ako] ng lupa. Ang sabi ko na lang na, ‘Ah… Ang gaganda n’yo kasing lahat. Grabe, parang nalito na lang ako,’” palusot daw n’ya noong mga oras na ’yon. 

“Tapos um-exit na lang ako pero hiyang-hiya ako. At buong episode, hindi ko s’ya matingnan sa mata…sa sobrang hiya ko na napagkamalan kong beks ’yong isang girl,” pagtatapos ni Camille.

YOU MAY ALSO LIKE:

Pika's Pick: Paolo Contis posts nostalgic childhood photo with 'Hiling' co-stars Carlo Aquino, Shaina Magdayao, Camille Prats, and Serena Dalrymple

Camille Prats’ birthday greeting to her husband is the sweetest thing you’ll read today!

Pika’s Pick: Camille Prats and husband VJ Yambao’s dream house is at finishing stages

Pika’s Pick: Mars Pa More hosts Iya Villania and Camille Prats reunite physically after one year of work from home set up

FOLLOW US ONLINE: 

Facebook: facebook.com/pikapikashowbiz

Twitter: twitter.com/pikapikaph

Instagram: instagram.com/pikapikaph/

YouTube: youtube.com/pikapikashowbiz

TikTok: https://vt.tiktok.com/ZGJBapkV4/

and join our Viber Community: tinyurl.com/PikaViber