Naging emosyonal ang mag-asawang Carmina Villarroel at Zoren Legaspi sa pa-send-off nila sa kanilang unico hijo na si Mavy, ang kakambal ng daughter nilang si Cassy.
Ito raw kasi ang kauna-unahang pagkakataon na mapapalayo si Mavy sa kanilang pamilya dahil sasabak na ang young actor sa lock-in taping ng upcoming Kapuso teleserye na I Left My Heart in Sorsogon.
Dahil sa pandemic, pinahaba na ang quarantine period ng mga cast members at nataong malayo ang pa ang location ng TV series na nasalihan ni Mavy kaya naman talagang sepanx [separation anxiety] is real para sa celebrity couple.
“All grown up…. Time for you to spread your wings my forever baby boy @mavylegaspi,” pahayag ni Carmina sa anak sa kanyang Instagram post kahapon, July 12.
Her post came with a series of photos and a video. At sa video, makikitang umiiyak s’ya habang yakap n’ya si Mavy.
“Always remember that we are here for you and we are all proud of you! Enjoy! I miss you already.
“We love you Kuya @mavylegaspi #sebastian #legaspifamkada #lockintaping #clingy #OAnakungOA” Carmina concluded.
May sariling photo post din sa IG si Zoren at pinakitang yakap niya si Mavy.
“[I]ts hard to let this guy go @mavylegaspi to spread his wings…” saad ni Zoren.
“[C]ome back with wider and longer wing span always pray at night and when you wake up.
“I Love You as my son as my friend,” pagtatapos ng celebrity dad.
Pagbibiro naman ni Cassy - na sumabak din dati sa lock-in taping sa recently concluded series na First Yaya - sa kanyang kakambal, “[M]agsulat ka saamin Maverick @mavylegaspi.”
Tiniyak naman ng lead actress ng show na si Heart Evangelista na magiging okey si Mavy habang nasa quarantine at lock-in taping ito kasama nila sa Sorsogon.
“Awwwww he will be ok don’t worry,” sey ni Heart sa comment section.
Maliban kina Mavy at Heart, kabilang din sa serye sina Kyline Alcantara, Paolo Contis, ang Kapamilya-turned-Kapuso actor na si Richard Yap, at marami pang iba.
YOU MAY ALSO LIKE:
Cassy Legaspi, may nai-dulas tungkol sa ka-loveteam na si JD Domagoso
Carmina Villarroel asks for help to take down fake news regarding her “divorce”
FOLLOW US ONLINE:
Facebook: https://www.facebook.com/pikapikashowbiz
Twitter: https://twitter.com/pikapikaph
Instagram: https://www.instagram.com/pikapikaph/
YouTube: https://www.youtube.com/pikapikashowbiz
and join our Viber Community: https://tinyurl.com/PikaViber
