Inamin ng young Kapuso actress na si Cassy Legaspi na nami-miss n’ya ang pagiging maalalahanin ng kanyang love-team partner na si JD Domagoso sa primetime series na First Yaya na nagtapos lang recently.
Sinabi ito ng aktres sa exclusive virtual interview sa kanya ng pikapika.ph kahapon, August 3, after s’yang ipakilala bilang the newest Palmolive girl.
Tsika ni Cassy, ilang beses nga daw napuri ni JD ang kanyang buhok.
“He always does this [caress] sa buhok ko,” saad n’ya via Zoom. “‘Parang ang ganda ng buhok mo.’ Ako naman, ‘Hoy!’ Sabi n’ya, ‘It’s so straight. Parang it’s so healthy.’ [Sabi ko naman], ‘Thank you.’”
Pero kung may pinakanami-miss man daw s’ya sa binatang anak ni Mayor Isko Moreno ay ang pagiging caring nito sa kanya habang nasa lock-in taping sila.
“Well, I miss…everyone,” natatawang palusot ni Cassy. “I miss everyone but, yeah, I miss JD din. I miss working with JD and I miss his company.”
Very caring at tutok daw kasi si JD sa kanya.
“Kasi si JD, he always checks up on me,” lahad n’ya. “‘O, kumain ka na ba?’ ‘O, nag-nap ka na ba?’
“Kasi alam n’ya kailangan ko ng 20-minute nap ko every day. ‘Okay ka ba?’ ‘Gusto mo ng snacks?’ ‘Gusto mo ng ganito?’ ‘Pagod ka ba?’ ‘Okay ka lang?’
“I miss that,” dagdag pa n’ya. “I miss someone checking up on me. Ayon, si JD.”
Biro namin, tila galawang-boyfriend ang mga “da moves” ni JD na ikinabungisngis lang niya.
“Hala! Hahaha!”
At hindi rin maiaalis na ma-miss n’ya ang iba pa nilang kasamang cast members sa top-rated TV series. Hiling din n’ya na sana ay madugtungan pa ang love story nina Yaya Melody at Pres. Glen Acosta.
“I super miss them. Actually, we text every day, may First Yaya group chat kami. We always update or make tsikahan minsan. Tapos we video call,” aniya.
“[Wish nila], ‘Sana may Book 2, ’no?’ Ako din, ‘Sana may Book 2 nga.’ Parang ’di pa tapos ‘yong story ng First Yaya. Parang kulang pa, e.”
Nang papiliin namin kung bagong project ba o Season 2 ng First Yaya…
“P’wede… After Book 2 may bagong project or bagong project tapos Book 2,” natatawang sagot ni Cassy. “Okey naman ako du’n. Happy naman po ako du’n.”
Dagdag-k’wento pa ng dalagang aktres, nami-miss din daw n’ya ang kakambal n’yang si Mavy na nasa lock-in taping ngayon ng upcoming Kapuso series na I Left My Heart in Sorsogon.
“I miss Mavy kasi parang this pandemic made Mavy and I super, super close—closer than before,” aniya. “So, parang, nu’ng nakita ko ’yong room n’ya, ‘Ay wala s’ya du’n. Nakaka-sad.’
“I miss ’yong mga k’wentuhan, his presence, eating lunch, eating dinner with him. Pero we call naman everyday pero iba pa rin kung nandito s’ya.”
Sa ngayon ay nakatuon daw ang aktres sa paghahasa ng kanyang singing and dancing skills pero looking forward pa rin s’ya for more acting projects na ibibigay ng Kapuso network.
“Right now I’m working on music, on singing and dancing,” pagbabahagi n’ya. “’Di ba, nag-Studio 7 [ako], tapos All-Out Sundays, tapos nag-serye… parang gusto kong bumalik d’yan [sa singing and dancing].
“But I want to do more para maka-explore ako ng different talents. And hopefully, more acting projects din po,” pagtatapos ni Cassy.
YOU MAY ALSO LIKE:
Carmina Villarroel asks for help to take down fake news regarding her “divorce”
Anak ni Mayor Isko Moreno na si JD Domagoso, ayaw daw tumira sa Malacañang
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
