pikadaily

Nagbanta ng demanda ang writer-director and content creator na si Darryl Yap sa isang netizen dahil sa mga akusasyon nito sa kanya.

Isa kasing netizen na nagngangalang Kim Constante ang tumawag sa atensyon ng direktor sa naging komento nito sa upcoming movie n’ya.

Ishinare ng nasabing netizen ang Facebook post ng website na CinemaBravo kung saan naka-news post ang photo ni Direk Darryl habang naka-flash sa mga TV screens sa likod n’ya ang larawan ng mag-amang sina Cesar Montano at Diego Loyzaga na balitang napipisil niyang gaganap bilang Ferdinand Marcos at Bongbong Marcos sa nilulutong movie n’ya na Maid in Malacanang. Tila kuha ang larawan sa pitching session ng direktor.

“Simula na ng History Revisionism! Let’s go!” pahaging ni Kim sa kanyang Facebook post na tila nag-ugat sa mga haka-hakang babaguhin daw ng mga Marcos ang Philippine history at gagawing pabor umano sa kanila ngayong sila na uli ang nasa kapangyarihan.

Kasunod nito ay binanatan n’ya ang batang direktor by saying, “Kung supporter ka ng pedophile-disrespectful-fake news peddler director na ‘to, paki unfriend na ko. Thanks!”

Nakarating kay Direk Darryl ang tiradang ito ni Kim kaya ini-screenshot n’ya ito at ipinost sa kanyang FB page kalakip ng kanyang sagot.

“Hi Kim, thank you for showering my upcoming film with raging emotions, your investment of attention will surely profit my movie; but I would like to correct you, 3 points. I am not a Pedophile, I am not a Fake News Peddler, I am not to Revise the History,” depensa n’ya sa patutsada ng netizen.

Kasunod ito ay humiling s’ya sa kanyang online supporters na hanapin ang residential and work address ni Kim para maturuan umano ito ng leksyon. 

“Now, like what you did, let me appeal to your friends, I need the address of Kim— where she resides and where she works, I am just gonna make her realize what is really disrespectful. DM ME. let’s go!” panawagan n’ya. 

Naghalungkat pa s’ya sa account ni Kim at nakita n’ya ang New Year post nito kung saan naka-caption na naghahanap ito ng makapagbibigay ng plot twist sa kanyang 2022.

Sagot dito ng Olongapo-born filmmaker: “Hi Kim, Ako na ‘to… Ang Magbibigay ng Plot twist sa 2022 mo.”

Kaagad namang nag-sorry si Kim sa direktor via Messenger at sinabi n’yang hindi daw n’ya inasahan na hahantong sa malalang sitwasyon ang kanyang FB post.

Muli, ini-screenshot ito ng direktor at ibinahagi sa kanyang Facebook post.

“Hi Direk. Sorry if I offended you in any way. I’m just a normal citizen sharing my thoughts and I didn’t expect na it will escalate to this,” ani Kim sa kanyang direct message sa direktor.

Kinuyog na daw s’ya ng mga supporters ni Direk Darryl kaya binura na n’ya ang nasabing post.

“The threat and comments i’m receiving from your followers are soo crazy. Nakakaloka,” she said. 

“I immediately took down the post na. The post is not even public. Im willing to make amends to fix this.”

Umaasa rin si netizen Kim na maayos nilang dalawa ang gulo na nalikha ng pagpo-post n’ya laban sa direktor. 

“Again, I apologize. I hope we settle this privately,” pagtatapos ni Kim.

Mukhang hindi naman bumenta kay Direk Darryl ang pagso-sorry ni Kim dahil magsasampa pa rin daw s’ya ng kaso laban dito. 

“Kim, idedemanda kita. Pangako,” simpleng tugon ng direktor.

Sa ngayon, base sa mga komento ng followers ni Direk Darryl ay hindi na umano mahanap ang FB account ni Kim at mukhang nag-deactivate na ito.

YOU MAY ALSO LIKE:

Sharon Cuneta, inihanay si Direk Darryl Yap sa mga “pinakanirerespeto” niyang direktor sa film industry

Darryl Yap dedicates fruits of his success to himself na “hindi nainip, napagod at nanghina” to pursue his art

Director Darryl Yap, naloka nang sabay-sabay nagka-mens ang apat na newbies na sina Sab Aggabao, Cara Gonzales, Ayana Misola, Stephanie Raz during the shoot ng Pornstar 2

QC Councilor Ivy Lagman on Ai-Ai delas Alas and Direk Darryl Yap: “Gusto lang naman namin na mag-apologize sila sa ginawa nila.”

FOLLOW US ONLINE: 

Facebook: facebook.com/pikapikashowbiz

Twitter: twitter.com/pikapikaph

Instagram: instagram.com/pikapikaph/

YouTube: youtube.com/pikapikashowbiz

TikTok: https://vt.tiktok.com/ZGJBapkV4/

and join our Viber Community: tinyurl.com/PikaViber