Ikinasal na ang aktres na si Erich Gonzales sa kanyang businessman boyfriend na si Mateo Lorenzo ngayong araw, March 23, sa Muntinlupa City.
Matipid ang detalye ng mga ganap mula sa kasalan. Maliban na lang sa kumakalat ngayon na photo online na mula sa Instagram Story ng nagngangalang Andres de Leon Lorenzo.
Makikita sa larawan ang bride at groom na sina Erich at Mateo na nakaupo sa harap ng altar. Kalaunan ay binura din ni Andres ang photo na ito sa kanyang IG Story.
Nauna nang napabalita ang nakatakdang pagppakasal ng aktres nang nag-viral ang photo ng kanilang Marriage Banns. Anunsyo ito ng simbahan para ipaalam sa lahat na nalalapit na ang kasal ng isang magkasintahan.
Nakasaad pa nga doon ang real full name ng La Vida Lena lead actress na Erika Chryselle Gancayco; gayundin ang pangalan ng kanyang fiancé na si Mateo Rafael Lorenzo.
Bukod pa roon, makikita rin sa Marriage Banns ang petsa kung kailan ikakasal ang sina Erich at Mateo at iyon ay ang petsa ngayong araw na ito mismo, March 23.
Nakalagay din doon ang simbahan, ang St. James the Great Parish sa Alabang, Muntinlupa City, kung saan din na-picture-an ngayon ang newlyweds.
Matatandaan din na noong March 2018 nang ipinaalam ni Erich sa kanyang mga fans na she was dating a guy, at pagdating ng July that same year ay inamin n’ya ang pagkakaroon n’ya ng boyfriend pero hindi muna n’ya ito pinangalanan.
May pasilip din ang aktres sa kanyang love life noong September 2020 nang mag-celebrate s’ya ng kanyang 30th birthday. Bagama’t hindi n’ya ipinakita ang mukha ni mystery guy sa kanyang vlog, mahihinuhang si Mateo ang lalaking kasama n’ya roon.
Nabanggit pa n’ya sa hiwalay na eksena ang pangalang “Mateo Lorenzo” ng lalaking nagregalo sa kanya ng espresso machine.
Congratulations and best wishes, Mateo and Erich!
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
