Kinilig at tila nabuhayan ng loob ang mga fans nina Alden Richards at Maine Mendoza, dating kilala bilang AlDub love team, nang mag-iwan ng comment ang aktres sa latest Instagram post ng aktor.
Sa post, makikitang dini-display ni Alden ang kanyang bagong collector’s item: isang figurine kasama ang ilang characters ng X-Men, isang team ng fictional mutant superheroes from Marvel Comics.
Napa-comment si Maine sa IG post ni Alden ng tatlong money with wing emoji dahil siguro mukhang mamahalin talaga ang collectible items nito.
“[K]asi naman…” sagot naman ng Asia’s Multimedia Star sa dating ka-loveteam.
Ang simpleng banter na iyon ay sapat na para magpa-kilig sa AlDub Nation, ang mga fans nila na solid pa rin sa kanila hanggang ngayon. Inulan ng kilig reactions ang comments section ni Alden at may ilan na nagpahayag ng pag-asa na magkaroon ulit sila ng project together.
May ilan naman na nag-express din nang patuloy nilang pag-asam na sana sila na lang—Maine at Alden—ang magkatuluyan.
Sa mga past interviews niya noon, sabi ni Alden na siya ay happily single habang si Maine naman ay in a relationship sa Kapamilya actor na si Arjo Atayde.
July 16, 2015 to be exact kung saan unang nakita ng television viewers ang pairing nina Alden at Maine sa “Juan for All, All for Juan” portion ng Eat Bulaga. Kilala pa noon si Maine bilang Yaya Dub kung saan hindi siya pinapasalita on-screen at ang interaksyon niya lang ay through lip-syncing dahil sikat nga siya noon sa kanyang mga DubSmash videos.
Nang makita ang kanilang on-cam chemistry that day, na-push na ang kanilang tandem at nakilala na sila bilang “phenomenal love team” na AlDub kung saan ang kanilang pag-uusap ay sa split screen lamang. Nagkaroon din sila ng segment within a segment kung saan ang “Juan for All, All for Juan” ay nagkaroon ng 30-minute soap opera parody na “Kalyeserye.”
Pagsapit ng September 2015, nagkita na ang dalawang kinikiligan ng viewers at dito’y pinasalita na si Maine at hindi na limitado ang kanilang pag-uusap sa split screen at lip-syncing.
Naging phenomenon ang AlDub love team noong taong 2015, kung saan trending lagi ang kanilang appearances sa Eat Bulaga.
Dahil sa kanilang kasikatan, nagka-tandem pa si Alden at Maine sa tatlong pelikula, namely My Bebe Love, Imagine You and Me, at Love Is. Naging lead stars din sila sa isang romantic teleserye noong 2017 na Destined To Be Yours.
YOU MAY ALSO LIKE:
Alden mas close kay Maine ngayon kumpara noon
Maine at Alden, binati ang AlDubNation sa kanilang 4th anniversary
Regine Velasquez to Alden: “Malaki ang pasasalamat ko at utang na loob namin [pamilya] sa AlDub.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
and join our Viber Community: tinyurl.com/PikaViber
