Hindi man naiuwi ang korona ay mainit pa ring ipinagbunyi ng Pinoy pageant fans ang achievement ni Beatrice Luigi Gomez sa katatapos lang na Miss Universe competition.
After two years kasi ay umabot uli sa Top 5 ang pambato ng Pinas sa katatapos lang na international beauty pageant na idinaos sa Eilat, Israel.
Bukod pa dito, naipagpatuloy ni Beatrice ang unbreakable semifinal streak ng bansa sa nasabing patimpalak for 12 years now mula pa sa batch ni Venus Raj noong 2010.
Nakaka-proud nga naman dahil malaking bagay pa ring maituturing para sa kandidata ng bansa na mapabilang sa Top 5 finalists out of 80 candidates from all over the world na lumahok in this year’s pageant.
Maliban kina Miss Universe Philippines 2011 and Miss Universe Philippines National Director Shamcey Supsup and Miss Universe Philippines 2014 MJ Lastimosa na mga present mismo sa pageant venue sa Eilat, nagpahayag din ng suporta at pagbati ang iba pang beauty queens ng Pilipinas para kay Beatrice.
Isa na dito ang mismong predecessor n’ya na si Miss Universe Philippines 2020 Rabiya Mateo na bago pa man magsimula ang finals night ay nagpaabot na ang mensahe para sa pambato ng bansa.
Ani Rabiya sa kanyang Instagram post, “To @beatriceluigigmz, I just wanna let you know how proud I am of you. I believe na malakas talaga ang laban mo because I saw the fire in your eyes and felt the grit in your heart and spirit. Alam kong lalaban ka at ngayon palang panalo kana sa mata ng maraming Pilipino.
“Ilaban mo Bea para sa Pilipinas! Mahal na mahal ka namin. Salamat sa lahat!” pagtatapos n’ya.
Nagpasalamat naman si Miss Universe 2015 Pia Wurtzbach kay Bea sa effort nito para maire-present ang bansa sa international pageant stage.
“Congratulations! Beatrice Maraming salamat for representing our country. A new and exciting journey is waiting for you. Stay safe at excited na kami sa iyong pagbabalik. We love you!” pahayag ni Pia sa kanyang Facebook post.
Congratulations! Beatrice 🥰 Maraming salamat for representing our country 🇵🇭. A new and exciting journey is waiting for you. Stay safe at excited na kami sa iyong pagbabalik. We love you!❤️ -Pia
Posted by Pia Wurtzbach on Sunday, December 12, 2021
Proud din ang kapwa-Cebuana beauty queen ni Beatrice na si Miss Universe PH 2019 Gazini Ganados.
“CONGRATULATIONS TOP 5!!! @beatriceluigigmz You have represented our country so well!! We are so proud!! Origin Model & Artist Management,” saad ni Gazini.
Matapos ang kanyang pagbati sa winner ng Miss Universe pageant this year na si Harnaaz Sandhu ng India, nag-thank you din si Miss Universe 2018 Catriona Gray kay Bea sa kanyang IG Stories.
“Also thank you @beatriceluigigmz for a strong Top 5 finish!” lahad ni Catriona. “You made the Philippines proud! Mabuhay ka!”
Bumati rin kay Bea ang iba pang Pinay beauty queens gaya nina Miss Universe Philippines 2012 Janine Tugonon, Miss Universe Philippines 2016 Maxine Medina, at Miss Universe Philippines 2017 Rachel Peters.
Ilan pa sa masaya para sa beauty queen ang actress-TV host at proud Bisaya din na si Kim Chiu, Sen. Risa Hontiveros, Miss Universe Philippines creative director Jonas Gaffud, at Binibining Pilipinas - World 1993 Ruffa Gutierrez.
Si Bea ang kauna-unahang pambato ng Pilipinas sa Miss Universe na openly out member ng LGBTQIA+ community.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
