Kung dati-rati ay madalas mag-Instagram Live ang actress at fashionista na si Heart Evangelista para sagutin ang random questions ng kanyang mga followers, ngayon ay kapansin-pansin na halos hindi na niya ginagawa ito.
Ito ay mula nang magkaroon ng isyu tungkol sa married life nila ni Senator Chiz Escudero.
Pero nitong Miyerkules, September 28, ay muling napadpad sa IG Live si Heart habang nasa loob ng room niya sa Paris.
Nakahiga pa nga siya noong una at naka-winter coat. Sadyang malamig daw talaga kasi ngayon sa Paris at ayon kay Heart, pagod daw siyang talaga.
Hindi raw komo puro tungkol sa fashion at sa pamamasyal ang nakikita sa mga postings niya, ay madali lang gawin ang lahat.
“Kung akala puro laktwatsa, hindi po, trabaho po siya, hindi po siya madali,” pagtatama ni Heart sa impression ng mga tao. “Maganda lang siya at masaya siya because it’s something that I love— fashion. And I love dressing up but it was really a full job.
“You know, I’m never really the type to just stay home and wait… you know, I’m very creative with my time. I’m very productive of my time. I’m a working girl. I’m not Miss Hingi… so, yeah, I work. So, that’s what I do.”
Binigyang diin din ni Heart na hindi siya sa Paris nakatira o naka-base na talaga kundi bahagi lang ng trabaho niya.
“No, I’m not living here,” saad niya. “I have work here and I have work in the Philippines and kailangan natin ng work because you know, you gotta be independent, work for your stuff without hingi-hingi ng anik-anik. So, kailangan super work tayo. Hindi ako naniniwala sa (hingi). I’m a working girl.”
Sa naturang IG Live, nabanggit ni Heart na dapat daw talaga, after Paris ay tutuloy siya ng London. Pero dahil may trabaho siya sa Pilipinas kaya babalik na rin siya ng bansa pagkatapos ng mga ginagawa niya ngayon sa Paris.
Samantala, halata namang iniwasan ni Heart na basahin at sagutin ang ilang tanong na ibinabato sa kanya sa nasabing live, lalo na ang tungkol sa isyu sa kanila ni Senator Chiz.
Posibleng tungkol dito ang biglang nabasa ni Heart at hindi na itinuloy na tanong ng follower.
“Is it true… oh, I’m not gonna answer that…” natatawang pause ni Heart.
May nagtanong at nangamusta rin sa baby pet ni Heart na si Panda. Nai-post ni Heart noon na gusto niya sana itong isama sa Paris, pero hindi natuloy.
“Panda is in the Philippines. I’m very, very sad to discover that if you need to take your dog, if you want to take your dog to Paris, it’s not very easy.
You have to quarantine or something for thirty days in a facility if I’m not mistaken. And so, I’m not really sure if I want to take her here in Paris. It’s very, very sad pero parang tanggap na niya na magkakaroon po ako ng anak sa labas, aside from her.”
Tinanong din si Heart kung ano raw ang bagay na binili niya kamakailan lang. At dito nga niya sinabing kumuha na siya ng apartment sa Paris.
“Okay I just got myself an apartment. So I do not really plan to buy anything else because I have all my nice furniture. I really want, very, very nice... I’m saving up for that.
“But I’m also so busy, I have no time to shop. The only time I have to spare is to be on my bed and rest.”
Nabanggit sa IG Live ang tungkol sa self-love at para kay Heart, naniniwala raw siya rito.
“Yes, [hashtag] #selflove,” sey niya. “A lot of people in my country don’t really—they get it, but they don’t—well, you have to understand that you have to love yourself and if you have to force yourself to be selfish because you love yourself and you treasure yourself, this is the goal.
“Because, how are you going to manage everybody around you, all the treasures around you if you do not take care of yourself?
“I mean, for me, for the longest time, I am a people-pleaser. I still am. I’m still actually fighting myself for that because I want everyone around me to be happy.
“Kung p’wede ko lang hatiin ang katawan ko, you know, I will wake-up 3AM in the morning so I could be finish by 12 noon. I could be home and be with the people I love.”
Sabi pa niya: “I’m very hard working and also a people pleaser. And being a celebrity, being in social media, you got a lot of bad comments. So you just really have to put yourself first. And be selfish about that because you owe that to yourself. And treasure yourself and know your worth.”
Sa huli, nagpasalamat si Heart sa lahat daw ng mga nag-join ng live niya at patuloy na sumusuporta sa kanya.
Tila natatawang nagbiro pa ito na: “I just wanted to say hello, hello to everybody. Thank you so much for joining my live. I miss all of you but—dito muna ’ko. Hindi muna ko babalik [ng Pilipinas].”
Sabay bawi na: “No, I gotta work.”
“I just want to thank everybody that is liking, supporting my post, I really, really appreciate it. And those of you who don’t really like me and still post bad things, thank you, it’s still great engagement… charot!,” natawang sabi niya.
At dugtong pa ni Heart: “What the Devil used for evil, God will use for good. Let me just inject that.”
At sa huli, tinanong itong muli kung kailan siya talaga babalik ng bansa. Dito ay nag-quote si Heart ng isang linya ng American actress na si Julia Roberts sa pelikula nitong “Notting Hill.”
“Just like the line in Notting Hill when Julia Roberts was asked, ‘So, Anna, how long do you plan to stay in London?’ And she said, ‘indefinitely.’ It’s indefinitely… charot!”
YOU MAY ALSO LIKE:
The Butcher | Getting to the Heart of the matter
Heart Evangelista, aminadong may pinagdadaanang “personal struggles”
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
