May phobia pala ang aktres na si Janella Salvador sa mga lalaking lasing. Ito ay dala umano ng naging traumatic experience niya sa isang dating karelasyon na nakuha siyang saktan ng pisikal dahil sa kalasingan.
Ang pagtatapat ay naganap sa panayam sa kanya ni Ogie Diaz sa YouTube Channel ng huli. Nagpa-expound kasi si Ogie ukol sa traumatic relationship experience niyang ito base naman sa napanood niyang interview ni Janella sa vlog naman ni Dra. Vicki Belo.
“Ayaw mong banggitin ’yung name ng past relationship mo, trauma sa’yo?” direktang tanong ni Ogie.
“Meron…may trauma siyang nadulot sa akin,” pag-kumpirma ni Janella. “Na-forgive ko naman na, e. Ako as a person mabilis akong mag-forgive.
“Hindi ako nagho-hold ng grudges, e. Kasi ako gusto ko peaceful tayo, okay sige. Pero closure, hindi kami nagkaroon ng closure. I just chose to, ‘Okay na...let go ko na,’” katwiran ni Janella.
“Lalo na’t lumabas ’yung mga isyu na hindi maganda nagkaroon ng pisikalan?,” pamimiga ni Ogie. “’Yun ang trauma sa’yo?”
“Oo,” tumatangong sagot ng aktres. “Actually, ang naging trauma sa akin hindi ’yung physical part, e. Actually, I’ve never talked about this…I won’t go to details na lang, pero ’yung part na na-trauma ako, for some reason, is being around drunk people, drunk men... ’yun ’yung naging trauma ko. Pag lalaki tapos lasing tapos wala sa sarili, do’n ako na-trauma talaga. Alam ni Markus ’yun.”
Inalam ni Ogie mula kay Janella ang naging reaksyon ng kasintahan nitong si Markus Paterson.
“Natatawa lang, we’re working on it,” lahad niya. “S’yempre he’s younger din hindi niya maiwasang gusto niyang mag-enjoy minsan. Hindi rin naman niya kasalanan na may trauma ako, pero were trying to work on it siguro.”
“Pero kung dumating ’yung time na may pisikal, ’yun ba ’yung ultimatum mo?” theoretical na tanong ni Ogie.
“Oo naman,” mabilis na sagot ni Janella. “Lalo na’t napagdaanan ko na, tapos uulit ka pa ba? Talagang hindi na!”
Na-curious tuloy alamin ni Ogie kung paano ang sitwasyon nila ni Markus kapag nakaka-inom ito knowing na may trauma nga siya sa lasing.
“Siguro ano, I used to have this mindset when I was younger—siguro hindi lang ako ito maraming makaka-relate—na parang, ‘Aayusin kita. I’ll help you to fix yourself.’ Ganu’n.
“Pero no matter kasi how much you try to fix someone, kung ayaw nilang tulungan ang sarili nila, wala. Ikaw lang ‘yung madi-drain nang madi-drain, ikaw lang ’yung mapapagod, so, hahayaan ko na lang.
“As long as alam niya ’yung nararamdaman ko. I just express kung ano ’yung napi-feel ko about a certain thing. Kunwari ito ’yung ginagawa mo and I feel this way, I tell him.
“Siya na bahala kung babaguhin niya ’yun or hindi. My patience can get finished din, so, if you don’t try and be a better person then ’yun na. ’Yun na ’yung ultimatum ko,” paliwanag ng aktres.
“Lagi kong sinasabi [sa kanya] na, ‘Wala namang problema kung uminom ka, basta alam mo lang ’yung boundaries mo, ’yung limit mo. Alamin mo lang ’yung limit mo. Pag feeling mo hindi mo na kaya, wag kang uminom.”
“I guess that’s his [Markus] struggle in life, struggle niya sa buhay. Hahaha!” natatawang pambibisto pa ni Janella sa kapareha. “Pero now, I think he’s trying na talaga [to drink less]. And I know he wants to grow and mature na rin. Feeling ko na-inspire siya kay Jude.”
Sa tanong ni Ogie kung hindi niya susukuan si Markus...
“I will try my best to be by his side as much as possible, pero I love myself. Hindi ako magpapaka-martyr. Pero alam niya ‘yun mahal ko siya pero hindi ako magpapaka-martyr s’yempre.”
Pero bago ma-misinterpret, agad niyang nilinaw na mabuting tao ang ama ng kanyang anak.
“And I can see naman na he’s inspired, he’s a good person he has a good heart, don’t get me wrong. S’yempre meron pa siyang ima-mature [side].”
And speaking of maturity, siya raw ang talagang malaki na ang ikina-mature kumpara noong wala pa siyang anak. Mahaba na umano ang pasensya niya ngayon.
“Super haba,” saad niya. “Mas maikli dati pero ngayon sobrang haba. Dati kasi ang iisipin ko lang ’yung nararamdaman ko, e. Pero ngayon I can see the bigger picture.
“Kunwari meron akong bagay na iko-complain or hindi ko gusto, titingnan ko muna ’yung bigger picture. Will it matter in the long run? Kaya ko bang tiisin? What will lead us to the place where I want to be?” katwiran ni Janella.
This brings Ogie to ask kung may plano na ba silang i-level up ang pagsasama nila ni Markus considering na may anak na sila.
“Parang ‘wag na muna, matagal-tagal pa ’yun,” wala patumpik-tumpik na sagot naman niya. “Hindi muna namin iniisip ’yun.”
So far ay maayos naman daw sila and they’re both doing their best para maging mabuting magulang kay Baby Jude.
“He’s a very good dad, I’m a very good mom to Jude. Pareho kaming hands on. Pero s’yempre nag-uusap pa rin kami, we’re under one roof, we’re still okey pero mas ano sa parenting kami [naka-focus],” patuloy na k’wento niya.
“Of course meron din kaming mga bumps, mga away na maliliit pero ako kasi hindi mahilig manigaw. I just like talking it out. Si Markus din naman hindi niya ako sinisigawan, mayroon lang din kaming mga away which is normal.”
At this point, si Baby Jude daw talaga ang pinagkukunan nila ng strength and motivation. At dahil sa naka-pokus nga sila dito kaya’t hindi pa talaga umano nila isiisip ang kasal.
“Dapat sobra-sobrang okey na ang lahat, stable ka financially, emotionally, lahat. Ngayon, we’re still learning new things about each other and how we are as parents, so, hindi pa namin iniisip ’yung ‘Pakasal na tayo.’
“Pero s’yempre ako, I date to marry. Ayoko kasi nu’ng [iba-iba]...parang ano’ng point magde-date ka tapos you’re not trying to see if siya na talaga ’yun, for me.
“If he doesn’t think the same way, walang point. Parang feeling ko we are just wasting our time pag magdi-date ka tapos hindi ’yun ’yung end goal mo,” paliwanag ni Janella.
But as a dad, kita naman daw ni Janella that Markus is trying his best to be a good one. Nabanggit nga niyang kaya niyang iwan si Baby Jude dito kapag may work siya dahil maalaga ito. May isa lang daw talagang hindi kayang gampanan ni Markus sa pag-aalaga sa anak.
“Ang hindi lang niya kaya magpalit ng diaper dahil nasusuka siya sa amoy,” natatawang k’wento ni Janella na may kasamang pagmumuwestra. “Tinry naman niya nasusuka talaga siya like nasa first floor ako, siya nasa second floor maririnig mo talaga [ang reaction niya].”
Masaya ring ibinalita ni Janella na maganda ang relasyon ni Markus at ng kanyang inang si Janine Desiderio.
“They’re super okay. My mom loves him, he loves my mom. Close sila kasi my mom likes him kasi nakakatawa siya mahilig siyang magpatawa. Funny siya kaya natutuwa ’yung mom ko sa kanya,” kuwento ni Janella.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber