Ayaw pang tanggapin ng sexy-drama actor na si Josef Elizalde ang ideyang s’ya na ang bagong prinsipe ng Vivamax.
Natanong kasi s’ya tungkol dito ng entertainment press sa virtual media conference ngayong araw, August 3, for his upcoming sexy-thriller movie Purificacion.
Nag-ugat ito sa biro ni Marco Gumabao kahapon, August 2, sa story conference naman nila ni Kylie Verzosa para sa gagawin nilang romantic comedy film na Baby Boy, Baby Girl. Nasabi kasi n’ya doon na kung may bago umanong prinsipe ang Vivamax, ito ay walang iba kundi ang kabarkada niyang si Josef.
Nagsunod-sunod na rin kasi ang movie projects ni Josef sa Viva, mula sa pagiging support sa mga pelikulang Kaka (2021), Bekis on the Run (2021), at More Than Blue (2021), ngayon ay bumibida na s’ya. Katulad na lang sa movie n’yang X-Deal 2 (2022), Doblado (2022), at ngayon nga ay sa upcoming film n’yang Purificacion.
Ayon sa aktor, si Marco pa rin umano ang may hawak ng trono at ayos na sa kanya kahit runner-up lang siya nito.
“Mapagbiro naman si Marco, e. Alam naman natin lahat na si Marco pa rin… Walang makakatalo kay Marco. Siguro kahit ako na lang ang sumunod [sa kanya] okey lang,” natatawang sagot n’ya sa press.
At dahil kapansin-pansin din na talagang sexy ang theme ng mga nagagawa n’yang pelikula lately, natanong pa s’ya ng press kung naiisip na ba n’yang umiba naman ng genre at maghinay-hinay na muna sa pagpapa-sexy.
“Siguro, it really depends naman kay Viva but now tuloy-tuloy lang muna ’to. Nag-e-enjoy pa naman ako. Siguro sasabayan lang natin si Vivamax tapos eventually we’ll see kung saan ako mapupunta,” ani Josef.
Kinumusta rin ang former Pinoy Big Brother (PBB) housemate sa naging working relationship n’ya sa kanyang co-stars sa pelikula. Hindi lang kasi isa o dalawa ang kasama n’ya dito kundi anim na sexy actresses.
Dito na napuri ng aktor ang mga kasama n’yang artista na nakatrabaho na rin naman daw n’ya before kaya hindi na mahirap para sa kanila ang pag-a-adjust.
“Okey naman. They’re all professionals naman. Some of them, I’ve worked with them before like si Kat [Dovey], si Rob [Guinto], si Steph [Raz]. I’ve worked with them na before and they’re all professionals naman. Lahat kami, pag dating namin sa set, we enter there as our character. Okey naman, masaya naman,” lahad n’ya.
Naintriga naman ang press kung hindi pa s’ya napagod sa dami ng kasama n’yang babae sa set, especially kung may bed scene s’ya sa bawat isa sa kanila.
“No naman kasi with Direk GB, how they do it, naaayos naman, natsa-chop-chop naman nila ’yong mga ganu’ng eksena na hindi aabot sa point na sobrang pagod ang mga artista. Well taken cared of naman kami doon sa set nina Direk GB,” pagtatapos ni Josef.
Mapapanood si Josef Elizalde, kasama sina Cara Gonzales, Rob Guinto, Quinn Carillo, Stephanie Raz, Katrina Dovey, Ava Mendez, and more sa Purificacion simula this Friday, August 5 sa Vivamax.
Vivamax is available at web.vivamax.net. You can also download the app and subscribe via Google Play Store, App Store, and Huawei AppGallery.
Subscription options include: P29 (unli-watch all Vivamax titles for three days); P149/month; and P399 for 3 months for bigger savings.
You can also cast your screen from your device to Smart TV with Google Chromecast or Apple TV.
Vivamax is also now available for Pinoys in the Middle East—UAE, Saudi Arabia, Kuwait, Oman, Bahrain, and Qatar—for only AED35/month; in Europe for only 8 GBP/month; and Asia (Hong Kong, Japan, Malaysia, and Singapore).
Meron na ring Vivamax for Pinoys in Indonesia, Thailand, South Korea, Taiwan, Brunei, Macao, Vietnam, Maldives, Australia, New Zealand, US, and Canada.
YOU MAY ALSO LIKE:
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
