Sinagot ng aktres na si Julia Barretto ang ilang maaanghang na tanong ng kanyang mga followers. Apt ang maaanghang na tanong dahil para ito sa Spicy Mukbang content niya sa kanyang YouTube channel na Just Julia.
Ito ang naging content ng actress sa kanyang latest vlog entry na in-upload last December 12.
(To the unfamiliar, ang mukbang ay ang nausong paandar mula sa South Korea kung saan kumakain ang host o vlogger sa harap ng camera habang tsumitsika.)
Ang siste, kakain si Julia ng spicy food gaya ng fries, noodles, at chicken while answering some of the spicy questions na inihanda ng team n’ya.
Unang tanong pa lang, pasabog na agad dahil tungkol ‘yon sa naging first kiss ng dalaga.
“I think my first kiss happened in the car,” pag-amin ng aktres habang nilalantakan ang maanghang na noodles. “I don’t want to remember it, anyway.”
Natanong din si Julia kung sino ang kanyang ultimate celebrity crush pero hindi umamin ang aktres. Sa halip, sinabi n’yang, “None as of the moment.”
However, sa bandang dulo ng video, binawi ito ng aktres matapos s’yang matanong kung kailan ba s’ya huling nagsinungaling.
“I think I lied answering the second question,” natatawang pag-amin ng Kapamilya actress. “That’s the last time I lied, a minute ago. I do have a crush, you know.”
Anyway, kung may kinahuhumalingan man daw s’ya ngayon, hindi ito tao kundi ang pangongolekta ng perfumes at mga plato.
“I’m obsessed with perfumes,” saad ng aktres na kamakailan lang ay umaming inspired sa pagba-vlog. “I don’t think this is something people know about me but I collect perfumes. If you like to peek into my closet, you’ll see that I have a big collection of that.
Regarding plates, eto naman ang sinabi niya: “I think I spend most money on dinnerware. I love plates. I think I collect plates also.”
Kailan naman kaya s’ya huling nalasing?
“The last time I got drunk was one with my girl friends,” tsika pa ng Between Maybes lead star. “And we had Japanese gin and tonic water. It was really yummy, and we had a good time.”
Aminado si Julia na mahilig sa pagkain at thankful daw s’ya na despite that ay meron siyang balingkinitang bewang na favorite part n’ya pala sa kanyang katawan.
“Kasi it’s the last part in my body that gains when I gain weight. So, I’m thankful for that.”
Yan ay sa kabila nga ng pagkahilig n’ya sa pizza as her binge food; at chocolate na kanya naman daw itinuturing na guilty pleasure.
When asked when she feels the prettiest...
“I feel pretty when I’m well-rested. That’s when I feel prettiest,” ani Julia.
Ang pinakapasabog na tanong sa content ay kung ano ang mga bagay na na-try na niyang gawin habang nakahubad.
Dito medyo, kumambyo si Julia pero game pa ring sinagot ang tanong.
“Sometimes I sleep naked to be honest,” pahayag n’ya habang busy sa pagkain ng spicy chicken. “That’s one of the best things about living alone. You can sleep naked. You can get food naked. You can walk around the house naked.”
Hindi rin nakaligtaang matanong ang aktres kung ano ba ang bagay na sana ay hindi n’ya kinatatakutan.
Sagot n’ya: “I wish I wasn’t so scared of people. It’s definitely not something I am proud of but it happened recently that I’m just more scared of people now, unfortunately.”
At kung may dream man s’ya na p’wede n’yang magawa sa isang araw, ito ay ang pag-a-out of the country para lang kumain.
“I always dreamed of flying to a country just to eat breakfast, lunch, and dinner, and fly back. So that’s for a whole day. I always wanted to do that,” pagtatapos ni Julia.
PANOORIN ang kabuuan ng Spicy Mukbang with a twist ni Julia Barretto dito.
YOU MAY ALSO LIKE:
Issue kina Julia Barretto at Gerald Anderson, muling nabuhay dahil sa "G" pendant ng aktres
Dahil sa milyones na views, Julia Barretto, inspired na inspired gumawa ng vlogs
Mga pasabog na linyahan nina Julia Barretto at Marco Gumabao sa #DrinkAndSpill vlog
#DrinkAndSpill bistuhan at laglagan nina Julia Barretto at Marco Gumabao, trending!
