Napa-throwback nang slight si Diamond Star Maricel Soriano sa mga panahong nagsisimula palang siya sa showbiz. In those days daw, na-starstruck daw siya sa child star ding si Snooky Serna.
Naganap ang pagkukuwento ni Maricel sa guesting n’ya sa show na Magandang Buhay hosted by Karla Estrada, Jolina Magdangal, and Melai Cantiveros na ipinalabas ngayong araw, October 19.
Natanong kasi si Maricel kung bakit s’ya nag-decide na pumasok sa showbiz at the age of six.
K’wento n’ya sa Kapamilya morning show, hikahos daw sa buhay ang pamilya nila noon kaya sa murang edad ay gusto na agad n’yang makatulong.
“Gusto ko makatulong sa pamilya ko kasi wala kami makain. Totoo ’yon. Hindi ko kinakahiya ’yon. Kasi wala kaming food on the table,” pagre-recall ni Maricel.
“Sabi ko, sa anumang maliit na way na magagawa ko sa edad na sais anyos…nag-apply talaga ako, mag-aartista ako. Sinamahan naman ako [sa pag-a-apply].”
Natanggap naman daw s’ya at napasama agad sa pelikula kung saan n’ya na-meet ang child superstar that time na si Snooky Serna.
“Doon ako nakagawa ng pelikula na nakasama ko si Snooky. She’s a superstar and she’s so pretty,” pagbabahagi pa ni Maria (nickname ni Maricel).
“Ang dami n’yang magagandang damit. Ako naka-nganga. Ang daming porselas, mga hikaw...”
“E kasi ikaw, boyish ka naman noon, ’Nay, e,” sundot na biro ni Karla.
“Hindi ganu’n,” kontra n’ya. “Wala talaga kaming pera. Wala talaga. ’Wag na natin pagtakpan pa. Walang [pera]. Period. Nganga,” pa-kenkoy na saad niya na ikinatawa ng studio audience.
Pagpapatuloy pa n’ya: “Nag-start ang movie, kapatid lang ako du’n ni Tirso Cruz III, ang aking lolo. ’Yong ginawa namin ’yong [pelikulang] My Heart Belongs to Daddy (1971). Ang direktor pa nu’n si Mar S. Torres. I’m so blessed, ’di ba?”
Natanong naman ni Melai si Maricel kung sino ba ang artistang iniidolo n’ya noong nagsisimula pa lang s’ya sa showbiz.
“Ang idol ko ang Daddy Dolphy ko,” tugon n’ya. “Kasi s’ya ’yong tao na nu’ng nakita n’ya ako, gumagawa…sumasali ako sa pelikula ng daddy ko, ’yong Omeng Satanasia (1977), mga ganu’n. Sumasali ako sa movie n’ya.”
Nakatatak nga daw sa memory niya ang naging encounter nila.
“Hindi ko makalimutan ang sabi n’ya sa akin, ‘Anong pangalan mo?’ Sabi ko, ‘Maricel po.’ Sabi naman n’ya, ‘Ang laki ng mata mo, ’no?’ Nakakainis si daddy talaga,” natatawang pagbabalik-tanaw n’ya.
“Tapos nu’ng sumunod, hindi na pangalan ko ang tawag [sa akin]. ‘Bruha, halika dito.’ Bruha na. Nakakaloka, ’di ba? Si daddy, ganu’n talaga s’ya. Pero pag gusto ka n’ya ilalaban ka n’ya,” pagtatapos ni Maricel.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
