Mark Bautista’s composer side, maha-highlight sa upcoming concert na “1 for 3”; Direk Pao Valenciano, mangha sa pagka-creative ni Mark

PHOTO: @iammarkbautista on Instagram

PHOTO: @iammarkbautista on Instagram

Sa press conference para sa concert na “1 for 3” na ginanap noong Miyerkules, January 15, hinarana nina Christian Bautista, Aicelle Santos, at Mark Bautista ang entertainment press bilang patikim sa kanilang nalalapit na February 1 concert sa The Theatre at Solaire.

Isa sa inawit nila ay ang kantang “Simula" na si Mark Bautista mismo pala ang nag-compose. 

Maganda ang lyrics at tono ng kanta kaya natanong ng press si Mark after their performance kung kailan pa sya nagsimulang gumawa ng mga awitin.

"Actually, nagstart na ako... nagsulat na ako nung 3rd album pa. Paisa-isa," paliwanag ng internationally-acclaimed singer-actor.

"And then first ko talaga na song na ni-release, at may kumuha ng song, was GMA. 'Yong theme song ng [Korean Drama na] Gourmet, 'yong 'Bakit.' 

"Na-enjoy ko sya," sabi ng 36-year-old singer. "Sabi ko ang sarap pala ng feeling nang pini-play 'yong song mo; gawing theme song sa isang series and doon na nag-start."

Unknown to many, gumawa rin pala si Mark ng isang advocacy song, called “Kaya Mo,” sung by various artists na itinaong i-release bago ang 2016 elections.

Ibinahagi din  All Out Sundays (AOS) performer kung saan sya nakakakuha ng inspirasyon sa paggawa ng kanyang kanta. 

"Minsan ang inspiration manggagaling lang sa mga... aside sa experience ko, sa mga na-experience din ng mga kakilala ko. Ganun naman. Kukuha ka ng inspirasyon sa paligid mo.

Sa puntong ito ay sumingit si Direk Paolo Valenciano, ang concert director, para papurihan si Mark dahil kahit first time umano nilang magkakatrabaho nang direkta ay nakitaan nya agad ito ng pagiging creative.  

Although, sinabihan na umano sya ni Christian na si Mark ay "super creative," hindi nya daw ito inasahan kahit nakikita nya na itong nagpe-perform sa Studio 7.

Kwento ni Direk Pao: "Nag-meeting kami and we were trying to figure out the title of the concert. And wala kaming maisip na title. 

"Then sabi ko kila Christian, 'Basta whatever the title is, when somebody says it, tatahimik tayong lahat  and magkaka-vision tayo of what the show will be like.'

"Tapos tahimik lang si Mark. Tapos sabi ni Mark, 'What about '1 for 3'? As in 1 for 3? Tapos kami tatlo parang...

"Tapos in my head, 'Wow! He is creative. He really is creative.' 

"And then another thing, sa song nagsimula, they decided talking. 

"Christian was like, 'Why don't we have a song, the three of us, for the show.' Tapos sabi ni Mark, 'Ah, parang may kanta akong pwede dyan as a theme song.'

Halos hindi ma-express ni Direk Pao kung gaano sya namangha sa talentong taglay ng Kapuso male singer.

"What I'm trying to say is this guy has so much to offer...I guess the people... it is disservice for people not to see Mark Bautista and everything that happening in there [in his brain]... I'm just excited for people to see that side of Mark."

Nagpalakpakan ang media sa papuring ito ni Direk Pao kay Mark. 

Sagot naman ng singer: "Happy birthday to me," na ikinatawa ng entertainment press. 

Ikinatuwa ni Mark ang mga papuring natanggap mula sa direktor pero aniya, hindi niya pwedeng solohin ang credits dahil team effort nga naman ito.

"Actually, coming from Direk Pao, malaking bagay 'yon at na-appreciate ko 'yon nang sobra sobra," wika ni Mark. 

"Hindi lang din naman ako nagtrabaho dito. Kami lahat talaga yong nag-effortAt hindi ko naman ito mabubuo kung hindi dahil nagsama kaming tatlo [nina Christian Bautista at Aicelle Santos]. ‘Yong mga utak namin nagsama kaya naging successful 'yong idea, ‘yong concept namin."

Magjo-join forces ang tatlo singers sa kanilang concert na "1 for 3" sa The Theatre at Solaire sa February 1.

 

YOU MAY ALSO LIKE:

Mark Bautista, hahanapan daw nina Aicelle Santos at Christian Bautista ng ka-date sa kanilang concert

Carlos Yulo defends Mark Bautista's congratulatory message; says message of encouragement is not a sign of flirting

Highlights: All Out Sundays pilot episode

Aicelle Santos, kambal ang gustong ipagbuntis​​​​​​​

 

Welcome to pikapika.ph! We use cookies to ensure your best experience when browsing this site. Continuing to use pikapika.ph means you agree to our privacy policy and use of cookies.