Hindi pinalagpas ng actress-TV host and beauty queen na si MJ Lastimosa ang isang netizen na kumuwestiyon sa kanya kung siya ba ay retokada.
Sa kanyang latest Facebook post, ibinahagi ng Miss Universe Philippines 2014 titleholder ang isang screenshot photo na naglalaman ng interaction niya sa nasabing netizen.
"Parehas retokada? lol," komento ng basher sa isa niyang post.
Marahil ay patungkol ang komentong ito sa shinare na meme ni MJ kung saan pinagsama-sama ang photos nina Pia Wurtzbach at Catriona Gray kasama ang kani-kanilang wax figure, habang siya ay ang kahawig umano niyang si Miss Earth Mexico 2022 na si Indira Perez Meneses ang kasama.
"[Y]es I can afford," diretsahang pag-amin ng beauty queen sa kanyang basher.
"I never said you can't afford, you definitely can... With all your resources. No question with that at all my dear MJ," sagot naman nito sa kanya.
Dito na niya kinuwestiyon ang basher sa motibo nito. Lumalabas kasi na gusto lang nitong manlait sa mga afford magpa-enhance ng kanilang physical features.
"So what's your point with your comment madam it's almost 2023 wake uppppo," banat ni MJ.
Hindi pa ito natapos doon dahil nag-iwan pa siya ng litanya tungkol sa bullying na naranasan niya before noong aspiring beauty queen pa lang siya.
"I was bullied in 2011 for having veneers and boobs and waist that’s too small, (apparently they insisted I took off my rib but since my waist is not that small anymore I prob grew them back, alien yarn) and that was okay. I survived it! But this mindset as we welcome 2023? Eww!" pagtatapos ni MJ.
Umani naman ng suporta ang Pinay beauty queen sa pagsupalpal niya sa kanyang basher.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
