Magalang na humingi ng paumanhin ang young singer-songwriter na si Darren Espanto sa mga entertainment press na nanghingi ng update tungkol sa cyber libel case na isinampa ng kanyang ina laban sa singer-songwriter din at career contemporary niyang si JK Labajo last year.
“As much as I’d like to share a bit of information po, we can’t po e, nasabihin na po [ako]...Wala pa akong p’wedeng sabihin so... sorry po.”
March 2019 nang sampahan ng ina ni Darren na si Marinel Gonzales-Cruz ng kasong cyber libel si JK na nag-ugat sa diumano ay pagtawag ng “bakla” ni JK kay Darren sa Twitter noong October 19, 2018.
Bagama’t itinanggi ni JK ang paratang sa pagsasabing na-hach diumano ang kanyang Twitter account ay itinuloy pa rin ng ina ni Darren ang demanda in behalf of Darren na noon ay menor-de-edad pa at 17.
Darren at JK were both grand finalists sa singing competition na The Voice Kids Philippines ng ABS-CBN noong 2014 at parati nang napagkukumpara magmula noon.
Magmula raw nang maganap ang gusot between them ay hindi pa sila nagkikitang muli at wala daw siyang idea kung ano na ang looks nito ngayon.
Samantala, naging very honest din sa pagtanggi si Darren sa tudyo ng mga kausap kung open ba siyang makipag-collaborate kay JK in the near future since uso ngayon ang pagsasanib-puwersa ng mga musicians na gaya nila.
“Ako tama na ’yon... wag na lang. Wag nalang,” matabang na tanggi ni Darren.
Ibig bang sabihin ay tinutuldukan na niya ang pagkaka-ibigang nabuo nila noong araw?
“I feel like hindi na talaga kasi... I mean, [in] The Voice Kids, we were best friends. And then a lot of people started telling me things that he started saying about me like a few years na hindi kami nag-uusap. So, I don’t really know where that came from and why he started doing it. But at the moment, wag nalang...wag nalang din...”
Sarado na ang pinto, kumbaga?
“Yeah, parte na ng past. Opo,” diretsang sabi ng young heartthrob singer.
Hindi direktang sinabi ni Darren kung may sama pa siya ng loob sa singer-songwriter ng hit single na “Buwan” pero aniya, hindi daw kasi siya ang tipong nagde-dwell sa negativity.
“Ako po kasi I’m very happy with everything that’s going on in my career. Parang all those things na negative I don’t like to dwell on it. Kasi ako po I have my family, I have all these support of friends that I couldn’t ask for more po talaga. Those things talaga hindi na... it’s not something that I really think about. And hindi po talaga ’yon something to dwell on.”
Sakaling mag-sorry si JK, tatanggapin ba niya?
“Okey na ho ’yon,” tila dismissive na say ni Darren. “Kung mag- sorry siya, I’d appreciate it. Pero wala pa.”
Pero kung sakali mang mag-sorry nga, hindi pa rin daw ito magiging daan para mabuo pang muli ang nasira nilang pagkaka-ibigan.
Things are better this way, kumbaga.
Nakausap ng entertainment press si Darren, na 6-footer na ngayon, sa solo press conference niya as the newest brand ambassador ng BeautéDerm kahapon, March 3, sa Luxent Hotel.
Darren joins the rooster of BeautéDerm endorsers that include Lorna Tolentino, Gabby Concepcion, Marian Rivera (for home-care lines), Arjo Atayde, Ken Chan, Carlo Aquino, and more!
