May patikim ang Dubai-based Filipino fashion designer na si Furne Amato sa isusuot na gowns ng pambato ng Pilipinas sa Miss Universe pageant na si Rabiya Mateo.
Kagabi, May 6, ay naka-tsikahan virtually ng pageant vlogger na si Tito Norman Tino ng normannorman.com si Furne One Amato of Amato Couture matapos ngang i-announce ng Miss Universe Philippines Organization na s’ya ang designer ng mga gowns ni Rabiya.
Inamin ng world-class Pinoy designer na na-challenge daw s’ya nang husto nang malaman niyang siya ang napili ng mga taga-Miss Universe Philippines (MUP) to groom Rabiya. Hindi raw niya kasi forte ang paggawa ng pageant gowns. But he accepted the challenge nonetheless.
“At first, when Albert [Andrada] and Jonas [Gaffud] messaged me that I’ll be the one doing the gown for Rabiya I was so flattered and at the same time I was thinking, ‘Kaya ko kaya ‘to?’” lahad ni Furne sa online interview.
(Albert Andrada is the MUP Design Council Head, habang si Jonas Gaffud ay ang MUP Creative Director.)
Bagama’t nadamitan na n’ya ang ilang Hollywood celebrities gaya nina Ariana Grande, Beyonce, Katy Perry, and Mariah Carey ay aminado s’yang hindi n’ya forte ang paggawa ng mga pageant gowns.
“Because I’m not a pageant designer,” pag-amin n’ya. “I’m more avant-garde. I’m more into creative thinking and I want it to be different.
“With this pageantry, there’s a mold,” he went on. “There’s like a cut, a mold that should show the candidates’ body, their beauty. It should be simple. It’s not what I’m doing. But because of this, it’s like a challenge for me. Parang na-challenge ako.”
“That’s why Josh [Yugen] told me, ‘How about try it because it’s a new challenge for you. It’s a new platform.’ So ‘yon. And then I took the invitation of Albert and Jonas.”
(Josh Yugen is the head of Yugen PR Dubai.)
Natanong din ng pageant vlogger si Furne sa kung ano ba ang naging inspiration n’ya para mabuo ang concept ng mga gowns na gagamitin ni Rabiya both sa preliminary na mangyayari sa May 14 at sa finals na magaganap naman sa May 16.
“Her personality. Like, she’s very fiery, very festive,” sagot ng Cebuano designer. “‘Yon. Kino-consider ko, ‘yong qualities n’ya… It’s like a mix of everything. Parang kailangan simple but different. Hindi kailangang generic.”
“Because I’m a designer na who always think different parang ayaw ko ‘yong masyadong generic,” pagpapatuloy niya. “At least nandoon pa rin ‘yong DNA ng brand ko, nandoon pa rin ‘yong aesthetics ko as a designer and then nilagyan ko lang ano… I mixed [with] Rabiya’s personality. Like, she’s very fiery. ‘Yon bang sinasabi nilang hala-bira walk [niya] or something. So, inano ko ‘yan, minerge ko to create that gown.”
Hindi ito ang unang pakakataon na magsusuot si Rabiya ng likha ni Furne One dahil ang ginamit nila noon sa swimsuit competition sa Miss Universe Philippines pageant last year ay gawa din ng Dubai-based designer.
Nanghingi rin ng hints and clues si Tito Norman sa hitsura ng gown pero humiling s’ya na ‘wag masyadong idetalye para hindi mawala ang element of surprise.
“Ano siguro… Parang ang gown is like energy. May energy s’ya,” simpleng patikim ni Furne. “And then, [it’s] different, a bit different. Experimental, I think…
“Hindi s’ya generic na gown. That’s the challenge. How to make a gown that’s very Amato [and] at the same time with Rabiya’s personality.”
Nanawagan din si Furne sa mga Filipino na suportahan si Rabiya na nasa Seminole Hard Rock Hotel & Casino na ngayon sa Florida sa USA.
“For me, I’m so flattered to begin with na they invited me to do her gown,” aniya. “‘Yon ang first. It’s very flattering because there’s a lot of designers. And not just designers, talented designers especially sa pageantry. But they considered me to do a different take for Rabiya.
“So for me, kailangan nila… I think they have to support Rabiya to get the fifth crown.”
At bago magtapos ang interview, Tito Norman asked him kung tama ba ang mindset ng Pinoy pageant fans na kung bongga ang preliminary gown ay dapat mas bongga pa ang para sa finals.
“Maybe. I think,” nakangiting sagot ni Furne. “Kayo na lang mag-judge.”
Samantala, ang namayapang avant-garde designer na si Rocky Gathercole naman ang nag-design nang susuoting national costume ni Rabiya.
YOU MAY ALSO LIKE:
Pia Wurtzbach on Rabiya Mateo's mindset to win the Miss Universe crown: "You're on the right path."
Netizens praise Miss Universe Philippines 2020 Rabiya Mateo for her stand on "Filipino resilience"
LOOK: MUP 2020 Rabiya Mateo “paints the town red” in her Iloilo homecoming
FOLLOW US ONLINE:
Facebook: https://www.facebook.com/pikapikashowbiz
Twitter: https://twitter.com/pikapikaph
Instagram: https://www.instagram.com/pikapikaph/
YouTube: https://www.youtube.com/pikapikashowbiz
and join our Viber Community: https://tinyurl.com/PikaViber
