Aminadong kinikilig ngayon ang pambato ng Pilipinas sa Miss Universe pageant na si Rabiya Mateo sa natanggap n’yang video message mula sa #AshMatt couple na sina Sarah Geronimo at Matteo Guidicelli.
Sa ipinost na short video ni Rabiya sa Instagram, makikita ang mag-asawang Guidicelli na nagbigay sa kanya ng kanilang good luck message ngayong magsisimula na ang Miss Universe competition.
“To our Miss Universe, Miss Rabiya Mateo…” panimula ni Sarah sa video.
“Mateo…” tugon naman ni Matt matapos ma-realize na eksaktong katunog ng pangalan n’ya ang last name ni Rabiya.
“Oo,” sagot ni Sarah sa kanyang asawa bago muling in-address ang Pinay beauty queen. “Meet my husband Matteo.”
At dito na nagbigay ng mensahe ang actor-reservist para kay Rabiya na at present ay nasa Florida na kung saan gaganapin ang Miss Universe.
“We wish you all the best,” pahayag ni Matt. “We’re praying for you. We’re rooting for you. God bless you and thank you for representing the Philippines with all you can. So, maraming salamat.”
Dugtong naman ng Popstar Royalty sa mensahe ng kanyang mister, “We’re very proud of you. Whatever happens, do it for the glory of God.”
Dagdag pa ng aktor, “Congratulations in advance. Para sa bayan, always.”
Humirit din si Sarah at sinabing, “Yes, congratulations. God bless you. May God grant you wisdom and courage as you represent our country in the Miss Universe pageant.
Pahabol pa ni Matteo, “Ingat.”
“God bless you. Congrats in advance,” pagtatapos naman ni Sarah.
Hindi naman napigilang kiligin ni Rabiya na aminadong isa palang fan ng well-celebrated Filipina singer-actress.
“Someone is ‘kinikilig’ right now. Awww, my popster [heart]. I love you @justsarahgph,” saad ng Filipino-Indian beauty sa kanyang isinulat na caption.
Pinasalamatan din n’ya ang kanyang mga stylists na naging tulay sa natanggap n’yang “good luck” video message mula sa mag-asawang Viva artist.
“Thank you Sir @rainierdagala and Miss @emmillan for making this possible,” sey pa ni Rabiya.
Sa May 6 na magsisimula ang Miss Universe competition at magtatapos ito sa May 16 kung saan kokoronahan ang papalit sa reigning Miss Universe na si Zozibini Tunzi ng South Africa.
Goal ni Rabiya na masungkit at maiuwi ang ikalimang Miss Universe crown ng Pilipinas.
YOU MAY ALSO LIKE:
Pia Wurtzbach on Rabiya Mateo's mindset to win the Miss Universe crown: "You're on the right path."
Netizens praise Miss Universe Philippines 2020 Rabiya Mateo for her stand on "Filipino resilience"
LOOK: MUP 2020 Rabiya Mateo “paints the town red” in her Iloilo homecoming
FOLLOW US ONLINE:
Facebook: https://www.facebook.com/pikapikashowbiz
Twitter: https://twitter.com/pikapikaph
Instagram: https://www.instagram.com/pikapikaph/
YouTube: https://www.youtube.com/pikapikashowbiz
and join our Viber Community: https://tinyurl.com/PikaViber
