Sa isang simpleng pa-dinner pala ng kaibigan nakilala ni Raymond Gutierrez ang nobyo n’yang si Robert William na recently lang ay ipinakilala n’ya sa publiko via social media.
Iyan ang ibinahagi n’ya sa tsikahan nila ng beauty doctor na si Vicki Belo sa YouTube vlog nito na in-upload nitong June 22.
Matapos kasi nilang mapag-usapan ang pag-a-out ni Mond sa tunay n’yang gender preference ay nauwi sila sa topic ng love life ng model-host.
Ayon sa beauty doctor, na-miss daw kasi nila si Mond, na naka-base na sa Los Angeles, California, dahil hindi ito naka-attend sa wedding ng kaibigan nilang si Jess Wilson last May. Kaya nagtanong daw si Dra. Vicki sa bride at sa sister nitong si Georgina Wilson kung bakit absent ang kanilang kaibigan.
Sey daw ni Jess kay Dra, Vicki, busy si Mond sa L.A. at nauunawaan daw nito kung bakit hindi ito nakapunta sa kasal n’ya. Sagot naman daw ni Georgina, “He’s in love.”
Kaya naman sa vlog ay deretsahan nang tinanong ni Dra. Vicki si Mond kung totoo ba ito.
“So please… is it true you’re in love or in a relationship?” tanong ng doktora.
“That part is true but the reason why I didn’t go to Jess’s wedding was because I was also very busy in L.A. and she understood. I said, ‘Jess, I can’t go to your wedding, to Europe, for four days and then fly back and then go back to Manila,’” paliwanag ni Raymond.
“Like, the flight schedule didn’t make sense for me and she completely understood. I have to make it up to her somehow. It was more of the logistics. But the love part is also true,” dagdag niya.
Dahil sa sinabi, humirit si Dra. Vicki na: “Okay, I’m not gonna ask his name or anything but how long [have you been together]?”
Dito na nagpatikim si Mond sa pagkatao ng kanyang boyfriend at kung paano sila nagkakilala.
“We’re in different worlds. He’s in the world of law, I’m in entertainment,” aniya.
“We met at a dinner. It was just random. We had a common friend who’s visiting from Miami so that friend hosted a dinner and we just happened to sit beside each other,” pagbabalik-tanaw pa ng kakambal ni Richard Gutierrez.
Dagdag pa n’ya, that moment daw ay nagkaroon na ng attraction sa pagitan nila.
“I think we had chemistry and, like, you know, the connection was there and that’s not something that you get that quickly and that feeling, you don’t really get it so fast,” lahad ni Mond.
“And I’ve met a lot of amazing guys in L.A. but that instant connection was not there, and I think that’s why I stayed single for so long.”
Iyon naman daw kasi ang hinahanap n’ya, seryosong relasyon, at ayaw n’ya nang paliguy-ligoy pa.
“It’s because that’s what I’m looking for… the ease, like, no games. No, like, chasing,” saad n’ya.
Pakiramdam naman daw n’ya ay swak silang dalawa.
“It kind of just like all fell into the right place and that’s what the same advice that George [Georgina Wilson] gave me. She’s like, ‘When it feels right, you’ll know it,’” sey pa ni Raymond.
Ikinatuwa ni Dra. Vicki nang nalaman n’yang six months na sina Mond at ang nobyo nito dahil para sa kanya stable daw ang ganitong relasyon.
Pero kinontra s’ya mismo ni Raymond at sinabing sa “gay years” ang six months ay katumbas na ng “six years.”
Naiintrigang tanong tuloy ng celebrity doctor-vlogger: “What is it about gays that they’re notorious for being unfaithful?”
Sagot ni Mond sa kanya, “I’m not... I mean, I wouldn’t know. I haven’t dated a lot in my gay lifetime but I think it’s just a funny running joke within the community.
“But I think now, I’ve met a lot of people in the community that I look up to, that has had very long relationships like, of course, Rajo [Laurel] and Nix [Alanon]. I also admire couples like that who I can seek advice from,” dagdag pa n’ya.
At nito ngang June 24, proud na ibinida ni Mond ang nobyo sa kanyang Instagram post.
“Celebrate your love! Happy Pride, Philippines,” pahayag n’ya sa caption kalakip ang photo nilang dalawa na kinunan sa beach.
Umani ng suporta ang “boyfriend reveal” na ito ni Mond mula sa kanyang mga kapatid na sina Ruffa at Richard, mga kaibigan gaya nina Wil Dasovich, Solenn Heussaff, Anne Curtis, and more.
YOU MAY ALSO LIKE:
FOLLOW US ONLINE:
and join our Viber Community: tinyurl.com/PikaViber