pikadaily

Magkahalong saya at kaba daw ang nararamdaman nina Sef Cadayona at Mikee Quintos sa bago nilang role pero hindi naman daw sila pressured.

‘Yan ang inamin ng dalawang Kapuso stars sa virtual interview nila with Lhar Santiago na ipinalabas sa 24 Oras kagabi, June 16.

Sila kasi ang magtatambal this time para sa prequel na Pepito Manaloto: Ang Unang Kuwento kung saan gaganap na young Pepito si Sef at young Elsa naman si Mikee na original roles nina Michael V. at Manilyn Reynes respectively.

“Nagsabay-sabay ‘yong takot, ‘yong nerbyos, ‘yong kaba na sobrang saya. Hindi ko ma-explain, pero very grateful,” pag-amin ni Sef sa online interview. 

Sey naman ni Mikee, “Yong cast is very powerful! And I'm so excited to learn from them about comedy.”

Iconic roles na kasing maituturing ang mga ginampanang papel nina Bitoy at Mane na 11 years nang minamahal ng mga viewers mula pa nang magsimula ang comedy series noong March 2010.

Gayunpaman, hindi naman daw totally pressured ang dalawang artista mula sa original cast at director ng sitcom.

“Hindi nila tayo binigyan ng pressure, no? Actually, parang nagbigay pa nga sila na huwag kayo mag-aalala, iga-guide namin kayo,” k’wento pa ni Sef na medyo gamay na kung paano umarte si Michael V. dahil nakakasama n’ya ito sa Bubble Gang.

Dagdag pa ni Mikee, “They're very supportive, the original cast, when we actually did the story con. Nakasama po namin sila nu’ng nagka-story con kami and we got the chance to ask a few questions about the characters na we're gonna play and naging very welcoming naman sila.”

Nagkatrabaho din naman kasi sina Mikee at Manilyn sa GTV series na The Lost Recipe at comedy anthology na Dear Uge. 

Balita-balita rin na kasama sina Kokoy de Santos, Pokwang, at Gladys Reyes sa cast ng nasabing sitcom na nakatakdang ipalabas simula July 2021.

FOLLOW US ONLINE: 

Facebook: https://www.facebook.com/pikapikashowbiz

Twitter: https://twitter.com/pikapikaph

Instagram: https://www.instagram.com/pikapikaph/

YouTube: https://www.youtube.com/pikapikashowbiz

and join our Viber Community: https://tinyurl.com/PikaViber