Tom Rodriguez, kina-career ang pag-aaral ng Mandarin Chinese

PHOTOS: Anna Pingol

PHOTOS: Anna Pingol

Subsob sa pag-aaral ngayon ng Mandarin Chinese si Tom Rodriguez. Half-Filipino, Half-Chinese kasi angrole niya sa Dragon Lady, ang first teamup nila ni Janine Gutierrez sa TV na iikot sa kwento ng sumpa, swerte at kamalasan.

 

His role as Michael Chua requires him to speak Mandarin in many of the scenes. Ang Mandarin ay isa lamang sa more than 200 dialects ng mga Chinese pero ito reportedly ang ginagamit sa Mainland China habang Cantonese naman ang widely used sa Hong Kong.

 

Biggest challenge daw ito para kay Tom as far as his role is concerned.  

 

“I want to be able to say it with conviction and as naturally as I can while still maintaining kung ano ’yong emosyon ng sinasabi,” paliwanag ni Tom referring to his lines in the TV series. “Kasi usually pag binabasa namin sa script, nakalagay lang doon kung ano ’yong sasabihin ko, tapos sasabihin ko in Mandarin, pero Tagalog pa rin ’yong binabasa ko.

 

“So, para alam ko ’yong thought in Tagalog, pero ’yon pala kailangan sabihin ko in Mandarin. So, ’yon ’yong challenge ko na habang sinasabi ko siya, habang ginagawa ko siya, hindi ko ma-concious sobra doon sa syntax [or the grammatical structure of a sentence]. Kaya ngayon inaaral ko talaga ’yong tunog and intonation para pag gawin ko siya, doon ako nagpo-pokus don sa kung paano sabihin kundi sa kung ano ’yong sinasabi.”

 

But he says he’s having fun learning it and he is employing the same tactic he used kung paano niya inaral ang pagta-Tagalog ulit noong bumalik siya ng Pilipinas mula America noong 2010.

 

Matatandaang produkto si Tom ng Pinoy Big Brother: Double Up ng ABS-CBN that same year and his eviction paved the way for his television career.

 

Ang namayapang si Direk Wenn Deramas daw ang unang nag-challenge sa kanya noon na araling mabuti ang pagta-Tagalog.

 

“Nagpi-pre-prod sila ng isang teleserye noon, pina-meet ako sa kanya,” recalls Tom. “Sabi niya sa akin, kung hindi ako mag-aral ng Tagalog, puro balik-bayan roles ang ibibigay sa akin. Kaya do’n, ’yon din ang naging challenge ko.”

 

Sa pag-o-observe niya daw kasi noon, na-realize daw niya na malaki ang nagagawa nang panggagaya ng tunog para matutunan niya ulit salitain nang tama ang Tagalog.

 

“Kasi kahit fluent ka sa kung may accent pa rin, nagkakaroon pa rin ng parang disconnect,” esplika ni Tom. “Feeling ko ngayon, one of the biggest challenges for me is to really get the [Mandarin] sound right para ’yong syntax, madali nalang aralin kung paano ko i-construct ’yong sentence.”

 

Marami pa raw siyang kakaining bigas, so to speak, as far as learning Mandarin is concerned. Pero kina-career naman niya ito. Bukod pa roon, may language coach naman sila kapag nagte-taping at aprobado naman sa language coach ang mga on-the-spot samples na pinakawalan niya during the media day ng Dragon Lady last February 28.

 

Meantime, Dragon Lady airs it pilot episode on Monday, March 4, after Eat Bulaga!

 

 

Welcome to pikapika.ph! We use cookies to ensure your best experience when browsing this site. Continuing to use pikapika.ph means you agree to our privacy policy and use of cookies.