One-and-a-half-year-old na si Amari, ang guwapong first born ng mahusay na aktres na si Coleen Garcia at asawang si Billy Crawford. Kalikutan na dahil naglalakad na at marami nang alam na kalokohan. But Coleen says she’s loving every minute of it.
“Mas gusto ko,” masayang tsika niya sa amin during our exclusive Zoom interview with her. “Sarap kaya. Mas gusto ko kesa no’ng mas baby pa siya.”
Mukang Coleen truly relishes being a mom kahit na pag tiningnan mo siya, parang hindi naman nanganak. Parang hindi nahirapan to think na even up to now ay bine-breastfeed niya si Amari.
On the contrary, double nga raw ang challenge sa kanya ng pagiging new mom dahil naging new mom siya sa kasagsagan ng pandemic. Thus, when we asked kung paano siya binago ng pagiging mommy, she gushes.
“Oh my gosh, I can spend the whole day talking about motherhood and how it changed me,” natatawang bungad niya. “But to keep it short, it has changed my goals, it has changed my outlook especially kasi iba ’yong motherhood at iba ’yong motherhood at the time of pandemic.
“It’s such a unique experience talaga na siguro may mga mothers out there na kahit na on their fifth child na sila, iba pa rin talaga ’yong na-experience nila ngayon na pandemic, diba? It’s very challenging. This is not how I imagined it... I imagined...kasi s’yempre in-anticipate ko na...dream ko ito, dream ko magkapamilya...in-anticipate ko na it’s gonna be like this when we have our child, I’m gonna take him everywhere, I’m gonna bring him to all my friends... ’yong parang life is gonna continue the same way but just with my little plus one. Ganu’n.
“Pero s’yempre, ngayon I’m happy na things are improving. But for the longest time, it’s really wasn’t safe. Nakaka-praning. Parang siguro kung wala siya [Amari] ngayon tapos pandemic, lumalabas pa rin ako diba? Hindi ako ganu’n ka-takot.
“Pero it’s so different [when you have a baby], the anxiety that I’ve been getting. Kasi ang hirap... ang hirap talaga. And everything...lahat iniisip ko. Kung ano ang kakainin niya, ano’ng kakainin niya bukas and the next day? How to keep him healthy, how to keep him safe. There’s so much anxiety.”
Mas kalmado pa raw siya noong buntis siya kumpara noong lumabas na si Amari.
“When I was pregnant, ’yon yong pinaka-chill ko pero when the baby is here na, hindi mo talaga maiiwasan na mas anxious ka talaga.”
But now na malaki na si Amari at nagsisimula na ring mag-normalize ang buhay, less anxious na raw siya. In fact, compared to other moms, hindi raw siya mako-consider na paranoid mom na lahat nalang kinatatakutan para sa bata.
For instance, hindi siya praning pag nadadapa o nadudumihan si Amari.
“Actually, people find it weird but whenever nadadapa si Amari, I tell everyone, ‘Don’t make a sound.’ Kasi ’yong yaya namin, dito din kasi nakatira [sa amin] ’yong son niya. Pag nahuhulog ’yong anak niya, ‘Huh!’ Parang ganu’n siya [kagulat]. Or even si Billy before. Parang may gulat. Ang mommy ko naman, ‘Oh, my gosh, are you okay?’
“Pero ako, pag nahulog siya, don’t mind it. Just say [calmly], ‘Are you okay?’ So, ngayon, ganu’n siya, [kalmado] whenever nadadapa siya. One time, nadapa siya, dumugo ’yong dito niya [sa may ilong] kasi may hinahabol siyang butterfly. Pag naghahabol siya ng butterfly, gumagaya siya, parang may pakpak din siya...
“So, nu’ng nadapa siya, hindi niya na-protect ’yong sarili niya kasi gumaganu’n ang kamay niya. Tapos, wala. May dugo na siya dito, wala hindi siya umiiyak. ’Yon ang ugali niya now. Kaya whenever he falls, he stands up. Ganu’n lang siya. Hindi siya iiyak.
“Hindi rin ako takot sa germs, ganu’n,” dagdag ng magandang mommy. “I always thought na magiging praning ako. But I’m actually chill when it comes to that.”
Kung meron man daw siyang kinaki-praningan, yon ang ay pagkain. She really checks kung ano ang ipapasok niya sa tiyan ng anak niya. And to be sure he’s getting only the best and the healthiest, kinailangan daw niyang mag-aral magluto na hindi niya hilig noon,
“S’yempre iba ’yong ano, e, when you order out hindi mo alam ’yong exact ingredients, hindi mo alam kung paano siya ginagawa, diba? For example, nag-order ako ng chia pudding tapos ang akala ko sobrang healthy kasi coconut milk. ’Yon pala may condensed milk [din]. So, it’s important to know what’s going into our food and with Amari, s’yempre gusto ko the best ’yong nabibigay ko sa kanya. Whatever will make him healthy. Ayon, ako mismo ’yong gumagawa ng food niya.”
At this early stage, nakikitaan na raw ng pagka-performer si Amari. Hindi naman nakakapagtaka dahil Billy himself started as a boy wonder and maski naman si Coleen, baby palang ay nagti-TV commercial na. But the papansin side is galing daw kay Billy.
“Ay naku, sobrang papansin! Hahaha! Sobrang papansin siya. Gustong-gusto niya ’yong pinapansin siya ng mga tao. Gustong- gusto niya ’yong naaaliw sa kanya ’yong mga tao. Entertainer,” natatawa pero proud na proud na say ni Coleen about her male mini-me.
“Mahilig siya magpatawa. Meron s’ya ngayon fake laugh. ’Yong halatang fake ’yong laugh niya pero pipilitin niya kasi he knows when he laughs, napapatawa din kami. Parang natutuwa din kami. Ganu’n siya. He always wants to make people to laugh, he always wants na parang every time na may ginagawa siya... kunwari aakyat siya ng stairs na alam niya na galing na galing kami sa kanya or magsu-shoot siya ng ball sa basketball hoop niya, titingin talaga siya sa mga nanood sa kanya tapos aantayin niya kung papalakpak ka. Pag hindi ka magka-clap, sasabihin niya: ‘Yehey!’ Gaganu’n siya, aantayin niya. Haha! Aantayin niya na may mag-clap for him.
“Billy na Billy siya in that way at saka charming. Pareho silang charming and mahilig sumayaw.”
Sa kanya naman, bukod sa mata, ay tila nakuha naman daw ni Amari ang kanyang gentle side.
“Sa akin, ’yong mata, for sure,” claim niya. “’Yon kasi nakikita ko sa baby pictures ko. ’Yong mata n’ya and ’yong pagka-hinhin. Kasi ano siya, e, parang he’s very playful pero kahit pag umiiyak siya ’yong hindi masakit sa tenga? Very pleasant ’yong voice n’ya tapos kapag nakikipag-usap siya, parang murmur, parang very mahinhin ’yong voice n’ya. Haha!”
As for Billy, hat’s off daw siya dito when it comes to being a daddy. Lagi daw naka-assist ito sa kanya na kung p’wede lang ay akuin maski mga hindi niya kayang akuin wag lang umano siyang mahirapan.
“He’s a great dad, sobrang proud ako sa kanya. Pinagmamalaki ko talaga siya as a dad kasi he’s always helping, he always wants to know how he can help. Minsan, nakakaawa lang kasi nai-stress siya kasi like for example, at night, hindi naman n’ya ako matutulungan because breastfeed lang talaga... So, he’s hard on himself sometimes kasi may mga times na hindi siya nakaka-tulong.
“Pero he’s always there for us and love na love n’ya talaga si Amari. He’s so happy. I’ve never see him na ganito kasaya. I’ve never see him na ganito ka-full ’yong heart n’ya.”
Now that Amari’s all grown at p’wede nang either isama sa trabaho or iwan sandali, Coleen is back in the grind.
“The good thing about my job, it’s kind of flexible. But I still don’t see myself—in all honesty—accepting ’yong mga mahahabang teleserye anytime soon unless makakasama ko siya. Kasi s’yempre maraming time ’yong mawawala sa kanya.
“But I do want to continue doing movies or if may mga shorter na teleserye because taping has changed, you know, the way we do. It’s changed for the better, for everyone. It’s more efficient, it’s better planning for everyone. And as long as I can bring him with me, I want to keep working.”
Hindi naman daw conscious effort on her part na sa pagbabalik-pelikula niya ay “fierce” role ang requirement niya. Kung tutuusuin, kung hindi nag-pandemic ay baka raw tapos na itong Adarna Gang. But dahil na-postpone, nagmuka tuloy comeback vehicle niya.
But she loves her role—isang dalagang dahil sa mapait na circumstance would vow to exact vengeance to the people that wronged her na nagkataong isang pangkat ng matinik na mafia. How does a former gentle lady transform into an assassin whose mission ay isa-isang iligpit ang mga may atraso sa kanya.
Na-excite nang gusto si Coleen sa aspect ng character development ni Adriana, her character, to the point na nabitin daw siya. Hiling nga niya, sana daw ay magka-sequel ang Adarna Gang and she wants some “mas maaksyon” pa sanang scenes.
Pero bago mag-sequel, panoorin muna natin ang Adarna Gang, na streaming na starting tomorrow, March 11, sa Vivamax.
Panoorin n’yo rin ang aming exclusive interview with Coleen dahil hindi lang tungkol kay Amari, Billy, at Adarna Gang ang aming pinagtsikahan, kundi her whole showbiz journey up to the moment na naging isa siyang ganap na mommy.
See the link above.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
