Ang legendary talent manager na Douglas Quijano ang unang nakasipat na may dating si Zanjoe Marudo nang mapanood niya itong naglalaro sa NCAA noon.
Inalok munang isali sa usong Body Shots noon at binibitbit sa mga showbiz events para masanay sa tao. Pero ayon kay Zanjoe, pa-lie low na sa pagma-manage noon si Tito Dougs.
However, bumongga naman ang career niya as a model and alongside, may mga small gigs as newbie actor.
At isa sa hindi niya makakalimutang incidents in his journey sa showbiz ’yong matanggihan siya ng isang director sa GMA-7 para sa isang bit role.
“Pag punta ko doon [sa taping], hindi ako nagustuhan noong direktor,” pagre-recall niya. “Sabi ko sa sarili ko, mukang hindi talaga akong pang-artista kasi do’n palang nare-reject na ko.”
Unaware, malalim pala ang naging sugat noon sa kanya. Dahil ang rejection incident na iyon ang ginamit niyang tool para maiyak sa isang crucial scene nila ni Anne Curtis sa Maalaala Mo Kaya after niyang lumabas sa Pinoy Big Brother house noong 2006.
“Hiyang-hiya na ako kay Anne kasi three hours ko na siyang pinaghihintay,” natatawang recall ni Zanjoe during our exclusive tsikahan kamakailan. “Hindi ako maiyak. Sabi ko, ‘Paano ba ginagawa ’yon?’”
Sinabihan daw siya ng director na mag-isip ng masakit na bagay ang at that time, iyong GMA rejection ang naisip niya. And so he’s able to pull the scene through.
But that’s getting ahead of the story.
Feeling niya talaga that time, hindi siya pang-artista. Kaya inisip nalang niyang sundan ang yapak ng mga kasamahan niyang models who tried their luck—and succeeded—abroad. Papalipad na raw sana siya nang tawagan siya ng PBB at aluking maging housemate. He decided to give it one last try.
Hindi naman niya akalaing magiging famous at infamous siya habang nasa loob ng PBB. (The infamous side courtesy of his linkage with Bianca Gonzalez, who had a boyfriend in the outside world at that time.)
Just the same, pag labas niya ay instant sikat siya kaya kahit hindi siya ang naging big winner, acting opportunities landed on his lap kahit wala siyang kaalam-alam.
“Kasi di ba, kung sino yong maingay, ’yon ang ginagamit sa mga shows,” pagri-real talk ni Zanjoe.
At isa nga sa mga una niyang salang ’yong MMK nila ni Anne Curtis (“Bisikleta”) kung saan di siya makaiyak.
But fast forward today at wala na siyang ka-proble-problema sa pag-iyak. In fact, naging isa siya sa mga bankable drama actors ng ABS-CBN starring in a series of tearjerkers.
“Niyakap ko na kasi nang buong-buo para hindi naman masayang ang mga oportunidad na nabigay sa akin.”
“Saka naisip ko, baka kailangan sa industriya ng ganitong itsura,” dagdag niya. “Dati kasi hindi uso. Haha!”
These days, he’s playing naman the nakakairita but complex character as David Ilustre sa The Broken Marriage Vow and he’s doing so with flying colors. Alongside, ipapalabas naman sa Vivamax ang balik-tambalan nila ni Bela Padilla , whom he starred with in the soap, My Dear Heart in 2017, na 366.
He describes his role in 366 as “pampakalma” sa mga naiirita kay David Ilustre dahil complete opposide daw ang role nita dito bilang Marco, isang chef na kuntento sa buhay kaya relate na relate din siya dahil nasa punto daw siya ng personal niyang buhay na wala na siyang mahihiling pa.
Well, except, of course, for a wife.
Napa-pressure na nga rin daw siya sa mga kamag-anak na nang-uurot. Pero ang katwiran niya, ayaw naman niyang makipag-relasyon dahil lang may pressure sa paligid.
Hindi na raw kilig lang ang pakay niya sa relasyon at once mag-krus naman daw sila ng landas ni “the one,” sisiguraduhin naman niyang pang-habangbuhay na.
Meantime, kasalukuyang may advanced screening ngayon, April 13, ang 366 sa Vivamax Plus habang sa April 15 naman, Good Friday, ang regular streaming nito sa Vivamax.
Vivamax is available at web.vivamax.net. You can also download the app and subscribe via Google Play Store, App Store, and Huawei AppGallery.
Subscription options include: P29 (unli-watch all Vivamax titles for three days); P149/month; and P399 for 3 months for bigger savings.
You can also cast your screen from your device to Smart TV with Google Chromecast or Apple TV.
Vivamax is also now available for Pinoys in the Middle East—UAE, Saudi Arabia, Kuwait, Oman, Bahrain, and Qatar—for only AED35/month; in Europe for only 8 GBP/month; and Asia (Hong Kong, Japan, Malaysia, and Singapore).
Meron na ring Vivamax for Pinoys in Indonesia, Thailand, South Korea, Taiwan, Brunei, Macao, Vietnam, Maldives, Australia, New Zealand, US, and Canada.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
