Noong nag-sink in na raw sa kay Mark Anthony Fernandez noong bata siya kung gaano kalalaking artista ang mga magulang niyang sina Rudy “Daboy” Fernandez at Alma Moreno na kapwa iconic, maski raw siya ay nakakaramdam ng intimidation sa mga ito. “Parang nahihiya ako sa kanila,” natatawang recall ni Mark nang makatsikahan namin via Zoom ni Butch Francisco for This is Showbiz.
At hindi naman daw artista ang pangarap niya noon kundi maging either basketball player o piloto—with sidelight na maging “James Dean.”
But with his undeniable good looks, marami s’yempreng nag-alok. His mom was game daw pero ang tatay niya ay medyo adamant siyang payagan.
“Kung naaalala n’yo, para siyang si [Manny] Pacquiao,,,ayaw payagan ng mama niya si Pacquiao na mag-boxing?” Mark recalls about his dad.. “Parang kinikilig din siya na ayaw niya...pero nong nakita naman niya na meron akong kakayahan kahit papaano, natutuwa na rin siya para sa akin.”
Maagang natamo ni Mark ang kasikatan alongside with Eric Fructuoso and Jomari Yllana, ang teenybopper trio na binuo nng namayapang talent manager na si Douglas Quijano.
Tinest the water daw sila sa isang guesting sa show ng APO Hiking Society, nag-click, nilagay sa Palibhasa Lalake at nagsa-show pa sa GMA-7, ang Gwapings Live. Those are fond memories for Mark dahil feeling daw nila noong araw noon ay parang silang The Beatles na kahit hindi naman marunong magsitugtog, kanta-kanta lang, ay hinahabol at tinitilian sila ng mga babae. Saksi kasi sa mga pagpa-pandemonium ng crowd noong kalakasan nila.
Wala daw silang issue noon sa kung sino ang mas pogi pero lagi silang may issue tatlo sa mga babae. Haha! Theory niya, mas konti daw kasi ang leading ladies noon kumpara ngayon. At si Eric daw ang lagi nilang kaaway ni Jom. Mas magkasundo daw sila ni Jom noon. But now, na-reverse na dahil mas may communication sila ni Eric.
Several years later, siya pa ang pinaka-matibay sa Gwapings kung tutuusin, as far as showbiz is concerned. Hataw pa rin ang career despite his mga pinagdaanan. Halos hindi siya nababakante sa Viva Films, which gives him varied roles.
Pero wala na yatang tatalbog sa latest acting challenge na nabigay sa kanya, ang umakting na crossdressing gay for Barumbadings. Hindi naman daw siya nagdalawang-isip at all lalo na nang malaman niya ang casting—Baron Geisler, Jeric Raval, and Joel Torre.
“Paminsa-minsan lang yan, e. Kumbaga, capture ko na ’yong moment,” katwiran ni Mark.
Paano kung may kissing scene pala? Tatanggapin pa rin ba niya ang role?
“Ah sa lalaki? Ummm....kung drama. Pero kung comedy hindi ko gagawin. Parang Dennis Trillo. Bilib na bilib ako sa pelikula niyang ’yon, ’yong Aishite Imasu. Kung drama, gagawin ko ’yon.”
(In Aishite Imasu 1941, Dennis, who played a comfort gay, had a kissing scene with Jay Manalo, who played a Japanese soldier who fell in love with him.)
Lastly, when asked who among them—Baronessa Geisler, Jerica Raval, Jewel Torre and himself-came out as the most beautiful, he proudly volunteers: “Ako! Alma Moreno ang peg ko, e...although iba rin ’yong beauty ni Jewel Torre, e.”
Mapapanood na ang Barumbadings starting November 5 sa Vivamax. Pero bago yan, please watch our full Mark Anthony interview for more insights about his colorful life. (Video link above).
MORE THIS IS SHOWBIZ EPISODES:
This is Showbiz #40: “Crossover Queen” Glaiza de Castro at ang bunga ng kanyang mga pagsisikap
This is Showbiz #41: Kumustahan with 70’s matinee idol Dondon Nakar ng “Apat na Sikat”
This is Showbiz #42: Ken Chan, versatile actor na; versatile businessman pa
This is Showbiz #43: Barbie Forteza, graduate na sa “teen” roles; si Jak Roberto na ang the one
This is Showbiz #44: Usapang 90’s with Angelu de Leon & Bobby Andrews
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
Tiktok: https://www.tiktok.com/@pikapikashowbiz
and join our Viber Community: tinyurl.com/PikaViber
