Freshly grad from UST, dumiretso agad si Direk Brillante Ma Mendoza a.k.a. Dante Mendoza sa mundo ng advertising as a production designer (PD). At dahil magaling, nag-PD siya sa lahat ng malalaking kliyente, mereseng magkaka-kumpetensya pa yan.
Sometime in between, nagko-cross over na siya sa movies. And he’s proud to have been mentored by the best—Don Escudero and Peque Gallaga, Celso Ad Castillo and later on, Chito Roño.
Unang salang niya as PD ang classic na Virgin Forest ni Direk Peque. And tried his best to apply the discipline of advertising sa pelikula. But he admits na mahirap gawin dahil kung todohan ang budget sa advertising, tipid mode naman daw sa pelikula. Kaya natutunan daw niya ang mantra na “beg, borrow, steal.” Matututo ka talagang maging ma-diskarte just to adhere to the vision of the film. And sadly, may mga pagkakataon daw na ang turing pa rin sa mga PD ay taga-provide lang ng props whereas para sa kanya, it’s an art form in itself. Napapa-away pa nga raw siya sa ibang mga artista na ayaw gamitin ang mga pinasusuot niyang damit dahil gustong mag-stand out at pina-iiral ang star system. May mga hindi pa rin daw maka-gets na character ang importante pag nagpe-pelikula at hindi ang personality.
Nagka-itch na siyang mag-direk ng pelikula noong mga panahong nagpi-PD siya kay Direk Chito Roño for films such as Private Show, Itanong Mo sa Buwan, and even in the early production part of Dekada ’70. Pero nagdidi-dilly dally pa raw siya noon dahil iniisip niya kung kaya na niya.
When he finally decided to try, nag-impose siya ng rule for himself. Ayaw niyang magpa-dikta sa producer at sa topak ng mga artista. Thus, he produces his own or finds producers ang actors na ka-align ng vision niya. By early 2000s, binuo na niya ang first obra niya, ang Masahista na naipalabas sa iba’t ibang bansa muna noong 2005. For a directorial debut, nanalo agad ito ng Golden Leopard sa Locarno International Film Festival. Top prize lang naman.
He has producer Ferdinand Lapuz to thank dahil ito ang matiyagang magpadala ng kopya ng mga early films niya sa mga film festivals abroad hanggang sa mapansin na siya. In fact, mas nauna siyang sumikat as director abroad dahil feeling niya noon ay wala namang makaka-appreciate ng pelikula niya dito.
By then, iniwan na niya ang advertising, where he devoted 12 years of his life, dahil sa filmmaking and as director siya nakaramdam ng fulfillment. Mas mayaman nga lang daw siya sa advertising comparably.
Masahista raw ang turning point of his life. At doon din niya napatunayan ang value ng paggamit ng mga no-name actors gaya ni Coco Martin, who would keep reappearing in many of his films bago pa itong naging malaking-malaking artista.
Sa abroad naman daw ay hindi sa star wattage tumitingin ang mga hurado at viewers kundi sa material.
As director and storyteller, he’s the type who tries to capture real life on films. At dito nagsimula ang fabled myth na hindi uso sa kanya ang script—na gusto niyang linawin. May script naman daw siya, which takes months and even years to write—pero ayaw niyang pinababasa at pinauuwi sa mga actors niya dahil gusto niya ng raw emotions on the set. Ayaw niya ng “I’ve come on the set prepared” attitude dahil aral na raw yon.
“It doesn’t come from the heart kasi pinag-aralan na nila, na-proseso na nila,” katwiran niya.
These days, Direk Dante is entering a new phase in his career. Nagme-mainstream na siya, so to speak, by collaborating with producers such as TV5 (Amo TV series) and now with Viva Films and Vivamax. Pero dahil Brillante Mendoza na siya, he can more or less do projects with these producers on his terms, lalong-lalo na sa creative side. At kaya niya naman gusto sa Vivamax ay dahil na rin sa creative freedom na pinauubaya sa kanya.
So far, he’s done three for Vivamax, ang “box office” success na Palitan, na sinundan ng equally successful Sisid, at ang currently streaming na Bahay na Pula, his revisit to the horror genre.
Maki-PD daw siya sa Bahay na Pula alongside his creative director.
And although sanay naman siya to work with superstars—Nora Aunor, Judy Ann Santos, Jaclyn Jose, etc.—bago sa kanya na mas lamang ang mainstream actors sa kanyang mga productions ngayong nakikipag-collab na siya.
Nangangapa rin daw siya working with mainstream stars, in the same manner na nangangapa ang mga ito sa no-memorization policy niya. And so far, so good. In the case of sina Marco Gumabao, Xian Lim, at Julia Barretto—mga stars niya sa Bahay na Pula—wala nang nag-second thoughts dahil they all wanted to experience Direk Dante. In fact, on Julia’s end, sumumpa na raw siya noon na hindi tatatanggap ng any horror project bilang matatakutin siya pero dahil sa kagustuhan niyang maka-trabaho si Direk Dante ay um-oo siya. And she found the whole experience refreshing. In fact, during the Bahay na Bato presscon, nasabi niyang hindi niya na daw yata alam bumalik sa dating gawi na inuuwi at ina-aral ang script.
Three days lang naman daw ay nagamay na ng mga ito ang directorial style niya. And they’ve pulled off Bahay na Pula na horror na may pagka-gory na may pagka-psychological thriller.
Bahay na Pula is currently streaming now sa Vivamax.
But to get to know the internationally acclaimed director behind it na si Direk Dante, please watch our full exclusive interview with him at samahan n’yo kaming balikan ang journey niya from a simple probinsyabo na nangarap mag-pari pero naging Cannes International Film Festival best director instead.
This is Showbiz #40: “Crossover Queen” Glaiza de Castro at ang bunga ng kanyang mga pagsisikap
This is Showbiz #41: Kumustahan with 70’s matinee idol Dondon Nakar ng “Apat na Sikat”
This is Showbiz #42: Ken Chan, versatile actor na; versatile businessman pa
This is Showbiz #43: Barbie Forteza, graduate na sa “teen” roles; si Jak Roberto na ang the one
This is Showbiz #44: Usapang 90’s with Angelu de Leon & Bobby Andrews
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
Tiktok: https://www.tiktok.com/@pikapikashowbiz
and join our Viber Community: tinyurl.com/PikaViber
