Isa rin sa hindi nababakanteng aktor sa ngayon, despite the pandemic, si John Estrada. At nakakatawid pa siya between GMA-7, where he is doing Babawiin Ko Ang Lahat, at sa TV5, kung saan bida naman siya sa sitcom na John En Ellen with the elusive pero napa-oo niyang si Ellen Adarna.
Nami-miss na rin daw niya kasing mag-comedy kaya nang magkaro’n ng opportunity sa TV5, sinigihan na niya. Ang last comedy project niya kasi ay 11 years ago pa, na sa TV5 din—ang Everybody Hapi.
At hindi lang ‘yon, siya pa pala ang line producer ng John En Ellen! Level up na level up, ha! Masakit sa ulo daw palang mag-line produce lalo pa’t kasabay nito ang pag-arte din niya sa show. Kasama daw sa trabaho niyang mag-feeling host sa mga artista niya sa set habang may nagpapa-pirma ng tseke on the side. Responsibilidad din niyang bantayan ang budget ng show, otherwise ay mag-aabono siya. Pero marami daw siyang natututunan. Hindi kami magtataka kung one of these days ay executive producer na rin siya.
Malayo na talaga ang narating ni John since he started in showbiz in 1990. Aminado siyang trip-trip lang ang pag-arte sa kanya noon lalo pa’t sa sitcom na Palibhasa Lalaki siya napadpad. But he learned later on na even comedy is a job. At pinupukpok daw talaga siya noon ng yumaong si Direk Boyong Baytion (assistant director ni Johnny “Mr. M” Manahan sa Palibhasa).
Nang sinimulan niyang dibdibin ang pag-arte, he excelled not just in comedy but lalo na sa drama. He’s one of showbiz’s reliables. Kaya naman hindi nga nawawalan ng trabaho.
Moreover, alagang-alaga din ni John ang pangangatawan kaya naman he remains a desirable hunk kahit very much taken na.
On the home front, happy husband and dad naman siya sa limang anak (apat kay Janice de Belen at isa sa asawang si Priscilla). Tila nalagpasan na nila ni misis ang tinatawag na seven-year itch. At mukang behaved na, so to speak, si John. They’re actually celebrating their 10th wedding anniversary come February 26.
Sa aming exclusive interview with John para sa “This is Showbiz,” naging very generous siya sa kanyang mga sagot at paliwanag sa mga tanong na ibinato namin ni Butch Francisco sa kanya.
Kabilang na doon ang kung paano niya napa-ibig at na-earn ang trust ng Brazillian beauty-queen wife niyang si Priscilla Meirelles, kung plano ba nilang bigyan ng kapatid ang kanilang unica hija na si Anechka, kung ready na ba siyang maging lolo sa panganay niya kay Janice de Belen na si Inah Estrada, kung anon a ang estado ng relasyon niya sa mga Palibhasa Lalake boys, at kung paano niya nakumbinse na mag-balik showbiz ang mailap na si Ellen Adarna na siyang “misis” niya sa sitcom na nila-line-produce niya sa TV5.
Tadtad ng mga John-Estrada trademark punchlines ang aming tsikahan, which made it a lot more fun!
To get to know more about this good-looking nice fellow (na madalas ding ma-misinterpret ng ilan), watch our full interview with him by clicking the video link above.
His John En Ellen sitcom, by the way, is now on its second episode. It airs every Sundays at 7PM on TV5.
MORE ‘THIS IS SHOWBIZ’ EPISODES HERE:
This is Showbiz #21: 2021 psychic predictions for KathNiel, AshMatt, Alden, Maine, Coco, Vice, atbp.
This is Showbiz #20: Jewel Mische at ang mala-fairy tale niyang buhay sa Michigan, USA
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
and join our Viber Community: tinyurl.com/PikaViber
