pikavids

This is Showbiz #45 (Part 1): Andrew E., binalikan ang DJ days sa Euphoria—tambayan nina Ruffa, Kris, etc

by Anna Pingol /

10.06.21
Like

Masarap talagang kausap ang mga taong marami nang pinagdaanan sa buhay. Marami kang p’wedeng balikan at marami ka ring mapupulot na kakaiba at makukulay na detalye.

Such was the case nang makatsikahan namin ang pop culture icon na si Andrew E.

Matagal na namin siyang kilala ni Butch Francisco, pero first time kaming nag-sit-down interview with him (virtually nga lang) para talakayin ang kanyang talambuhay.

Hindi daw sila mayaman, pero hindi naman nagugutom. Barbero ang kanyang tatay, habang ang pamilya ng nanay niya ay may cottage industry business na mga handicraft na nagsu-supply daw sa sikat na native handicraft store na Tesoro’s noong araw.

Kaya kapag weekend, nandoon daw siya sa maternal grandparents niya at tumutulong mag-segregate ng mga sea shells at magbalat ng ahas (to be converted into leather goods) na hotdog sandwich ang kapalit. Haha!

Pag nandoon naman siya sa barberya ng tatay niya, siya daw ang taga-lista ng mga nagugupitan ng bawa’t barbero. Tapa naman daw ang talent fee niya. Haha!

Kung hindi libreng tsibog, nakaka-kickback daw siya sa lol aniya ng pang-jukebox na kina-adikan niya. Kaya bata palang, malawak na daw ang range niya sa music kakababad sa pansitan na may jukebox sa Dongalo.

Kaya naman nang tumanda ay sa mundo din siya ng musika nag-gravitate, from being a DJ to a triple-platinum rapper.

As a DJ, P2,800 a month lang daw ang sweldo ni Andrew E. noon sa Euphoria Disco na siyang pinaka-sikat na Disco noong 80’s/90’s. Pumapatak na P100/day.

Pero pag may mga galanteng customers, gaya ni Ruffa Gutierrez na babad daw doon tuwing weekend, may P500 na tip siya na ang kapalit lang ay patugtugin niya ang mga requested songs nito.

(Bukod kay Ruffa, madalas daw na sightings ni Andrew doon ang presidential daughter noon na si Kris Aquino; at si Aiko Melendez na laging kasama ni Ruffa. Dahil high-end ang Euphoria, bukod sa mga celebs ay mga anak daw ng ex-pats at diplomats ang customers nila o kaya naman ay anak ng mga billionaires).

But Andrew knew na hindi siya kayang buhayin ng pagdi-DJ lang at that time. Kaya naman hindi maiwasang pangarapin ni Andrew na mapasok ang showbiz dahil he knew in his heart, he has talent. Kulang nga lang daw siya sa looks department bilang mestizo/mestiza ang usual “requirement” pag showbiz ang usapan.

In between DJ-ing, nilalako niya ang mga rap pieces at talent niya kung saan-saan. Kaso, panay rejections ang natatanggap niya every time mag-a-audition siya. Maski kay Kuya Germs (German Moreno), reject siya. Clueless pa kasi si Master Showman noon kung ano ang rap! Haha!

Hanggang 1990 lang ang ibinigay niyang taning sa sarili para dito. Kung wala raw mangyayari sa pagra-rap niya ay titigilan na niya at maghahanap na ng more stable job.

When 1990 came, sinunog na niya ang mga lyrics niya and vowed to stop rapping.

But that same year din pala siya ngingitian ng kapalaran. And as fate would have it, hindi lang siya naging multi-platinum recording artist, naging blockbuster movie star pa noong 90s! Thanks to the vision of Boss Vic del Rosario ng Viva, who knows a real gem when he sees one.

This time around, nagka-resurgence ang mga tatak-90s comedy. Nagsunod-sunod ang comedy hits ng triumvirate nila nina Janno Gibbs at Dennis Padilla (Sanggano, Sanggago’t Sanggwapo; at Pakboys Takusa). At ngayon, eto at nagso-solo movie na naman ang Andrew E. Thanks to his 14-year-old song na “Shoot! Shoot!” na nag-massive viral hit sa TikTok bigla (40 million total views).

The song is now a movie (na idea ulit ni Boss Vic), just like his “Humanap Ka ng Panget.” The movie sees him being paired up with Viva Goddesses AJ Raval and Sunshine Guimary. San ka pa?

Shoot! Shoot! (Di Ko Siya Titigilan) is coming to Vivamax this Friday, October 8.

Pero bago yan, panoorin n’yo muna ang aming masayang major throwback kwentuhan with Andrew E. by clicking the video link above.

Vivamax is available at web.vivamax.net. You can also download the app and subscribe via Google Play Store, App Store, and Huawei AppGallery.

Subscription options include: P29 (unli-watch all Vivamax titles for three days); P149/month; and P399 for 3 months for bigger savings.

You can also cast your screen from your device to Smart TV with Google Chromecast or Apple TV.

Vivamax is also now available for Pinoys in the Middle East—UAE, Saudi Arabia, Kuwait, Oman, Bahrain, and Qatar—for only AED35/month; in Europe for only 8 GBP/month; and Asia (Hong Kong, Japan, Malaysia, and Singapore).

And since October 1, may Vivamax na din for Pinoys in Indonesia, Thailand, South Korea, Taiwan, Brunei, Macao, Vietnam, Maldives, Australia, and New Zealand.

WATCH PART 2 HERE: